Руските напади со балистички и друг тип ракети и огромен број дронови не само што не престануваат, туку се интензивираат од Божиќ наваму. Ниту на новогодишната, како ни изминатата ноќ, рускиот агресор не мируваше. Додека светот се веселеше и славеше Нова година, рускиот агресор ги напаѓаше цивилите, нивните домови и критичната инфраструктура.
Во изминатите 24 часа, руските воздушни напади врз цивилите ранија шест и убија четири лица, соопштија регионалните власти на 2 јануари.
Двајца цивили загинаа, а шестмина беа повредени во Херсонската област во руските напади врз цивилната инфраструктура, високи станбени згради и куќи во повеќе од 38 населени места во областа, соопшти гувернерот Олександр Прокудин.
Руски напад во текот на ноќта уби цивил во градот Степнохирск, во Запорожиската област, извести гувернерот Иван Федоров на 2 јануари.
Едно лице беше убиено во градот Мирноград во Донецката област, информира гувернерот Вадим Филашкин на Телеграм.
Русија лансираше 72 дрона, вклучително и ирански дронови „Шахед“, против Украина во текот на ноќта на 2 јануари, соопшти украинската воздухопловна сила на својот канал на Телеграм.
Украинската противвоздушна одбрана собори 47 дронови над 12 области, а дополнителни 24 дронови беа принудени да го променат правецот без да предизвикаат жртви, соопшти воздухопловната сила. Еден дрон сè уште беше во воздух во моментот на објавување на извештајот.
Цивилната инфраструктура, згради и автомобил беа оштетени како резултат на руските напади во Харковската област, но немаше повредени цивили, соопшти гувернерот Олег Синехубов.
На самата новогодишната ноќ, украинското небо преплавено од руски проектили. Државата терорист држава лансираше 111 дронови низ целата земја.
Во Кијив, нападот уби една жена и повреди шест лица. Станбена зграда во центарот на главниот град беше оштетена – горните катови беа делумно уништени, а избувна пожар.
Подготви: Џ. Д.
