Националниот одбор за работни односи, независната агенција која треба да ги спроведува законите за работни односи за повеќето американски работници, во суштина е затворена откако претседателот Доналд Трамп отпушти еден од членовите на одборот, оставајќи го без кворумот што му е потребен за да функционира, објави Си-ен-ен, пренесува ЦИВИЛ Медиа.
НЛРБ ги надгледува изборите за формирање синдикати и исто така ги истражува поплаките за неправедни работни практики, како што е отпуштање работници поради поддршка на синдикатите. Од петчлениот одбор, две места беа отворени бидејќи им истече мандатот.
Невиденото отпуштање на трет член на одборот од страна на претседателот Трамп сега ја остави НЛРБ дури и без способност да формира просто мнозинство потребно за гласови, што практично ја остави умртвена.
„Ова е одлично за работодавците – тие имаат нефункционален NLRB“, рече Кети Крејтон, адвокатка на NLRB за време на администрацијата на Клинтон и директорка на Колабораторијата за индустриски и работни односи на Универзитетот Корнел во Бафало, Њујорк.
Формирана пред 90 години, НЛРБ беше клучна за растот на синдикатите од приватниот сектор во средината на минатиот век.
Но, во поново време го надгледуваше падот на застапеноста на синдикатите во американските бизниси, бидејќи нејзините овластувања за спроведување беа ограничени од конзервативните судови и членовите на Конгресот кои сакаат да им угодат на бизнисите.
И покрај нејзините ограничувања, агенцијата стана трн во окото на некои од најбогатите и најмоќните луѓе во нацијата – особено на Илон Маск, клучниот финансиски и политички поддржувач на Трамп.
Подготви: Д. Мишев
