Според резултатите од последната анкета на walrecht.de пред предвремените национални избори што ќе се одржат во Германија на 23 февруари по колапсот на тристраната коалиција на канцеларот Олаф Шолц, во моментов, ЦДУ/ЦСУ е во водство со 8 поени пред АфД, објави Ројтерс, пренесува ЦИВИЛ Медиа.
Екстремно десничарската АфД доби 4,6 поени од јуни 2024 година. СПД, актуелните лидери во националниот парламент, изгубија 12,1 поен од последните федерални избори и моментално се на третото место.
Германија има две центристички партии, „големи шатори“: централно-левичарските Социјалдемократи (СПД) на Шолц и опозициските конзервативци, сојуз на демохристијаните (ЦДУ) и нивната баварска сестринска партија, Христијанско-социјалната унија (ЦСУ).
И двете ја изгубија поддршката во последниве години, при што помалите партии како Зелените и екстремно десничарската Алтернатива за Германија (AfD) зајакнаа.
СПД, конзервативците, Зелените и АфД, сите поднесоа кандидатури за канцелар.
Во трката се и пропазарните Слободни демократи (ФДП), екстремно левичарската Линке и левичарската алијанса Сахра Вагенкнехт (БСВ), кои се изложени на ризик да не го достигнат прагот од 5 отсто за влез во парламентот, според анкетите.
Подготви: Д. Мишев
