Хамас се согласи со новиот египетски предлог за ослободување на 5 заложници, меѓу кои и американско-израелецот Едан Александар, во замена за обновен прекин на огнот, изјави извор од Хамас за Си-Ен-Ен.
Предлогот е сличен на оној што пред неколку недели го претстави американскиот специјален пратеник Стив Виткоф, иако не е јасно дали вклучува и ослободување на дополнителни тела на починати заложници.
Во замена за ослободување на 5 заложници, Хамас очекува враќање на условите за прекин на огнот во фаза 1, вклучително и влез на хуманитарна помош, како и договор за преговори за втората фаза од прекинот на огнот, рече изворот.
Во телевизиско обраќање, лидерот на Хамас, Калил Ал-Хаја рече дека милитантната група се занимавала со предлогот „позитивно“ пред да се согласи со него.
Ал Хаја додаде дека Хамас „целосно ги почитувал“ условите од првиот договор за прекин на огнот и се надева дека Израел „не го попречува овој предлог“.
Израел одговори на египетската понуда со контрапредлог, се вели во соопштението од кабинетот на израелскиот премиер.
„Премиерот Бенјамин Нетанјаху спроведе серија консултации вчера, по предлогот добиен од посредниците. Во последните часови, Израел го пренесе својот контра предлог на посредниците, во целосна координација со Соединетите држави“, соопшти канцеларијата.
М. Д.
