Амбасадорката на САД во Украина Бриџит Бринк ја напушта својата функција како резултат на политички несогласувања со администрацијата на Трамп, објави Фајненшл тајмс (ФТ) на 10 април, пренесува Кијив Индипендент.
Претходно вчеравечер, ЦивилМедиа објави дека Бринк има намера да поднесе оставка од амбасадорската функција по три години на таа улога.
Според ФТ, луѓе запознаени со одлуката на Бринк рекле дека амбасадорката била под зголемен притисок од администрацијата на Трамп да ја поддржи нивната стратегија за Украина.
Откако ја презеде функцијата во јануари 2025 година, американскиот претседател Доналд Трамп се обиде да ги нормализира односите со Русија, а истовремено да ги оштети врските со Украина и да се заложи за мировен договор меѓу двете земји.
Коментирајќи го заминувањето на Бринк на брифингот со новинарите на 10 април, Брус го пофали „извонредниот настап“ на амбасадорката и повтори дека САД „работат за завршување на војната“.
Бринк служеше како амбасадор повеќе од три години, надгледувајќи ги американско-украинските односи во текот на целата руска инвазија.
Оставката на амбасадорката доаѓа и во време на зголемени тензии со претседателот Володимир Зеленски.
Неодамна, Зеленски ја критикуваше „слабата реакција“ на Бринк на рускиот напад врз украинскиот град Криви Рих на 4 април, спорејќи со одбивањето на амбасадорот да ја осуди Русија за смртоносниот напад.
Сепак, според луѓето што разговараа за Фајненшл тајмс, одлуката на Бринк да замине не била под влијание на нејзиниот работен однос со Зеленски.
Бринк ја искористи својата најнова објава на Х во средата за јасно да укаже кој е одговорен за нападот, изразувајќи сочувство до „семејствата и најблиските на загинатите, вклучително и 9 деца, во напад на руски касетни ракети во Кривји Рих на 4 април“ и повика на „целосен прекин на огнот и праведен и траен мир“.
Today I paid my respects to the families & loved ones of those killed, including 9 children, in a Russian cluster missile attack in Kryvyi Rih on April 4. This horrible attack underscores the urgency of a full ceasefire & a just and lasting peace. pic.twitter.com/fcUjigq05r
— Ambassador Bridget A. Brink (@USAmbKyiv) April 9, 2025
Западните дипломати во Кијив рекоа дека Бринк била клучен застапник за Украина јавно и приватно уште од првите недели од целосната инвазија на Русија во 2022 година.
Едниот ја опиша како „силен карактер“ и „сериозен дипломат“, но притисокот од канцелариите на Трамп и Зеленски го зема данок.от
Украинските власти рекоа дека сметаат дека Бринк е премногу критичен кон нив, особено во однос на напорите на земјата да ја искорени вкоренетата корупција.
Официјалните лица укажаа на забележлива промена во нејзините пораки неодамна, за кои тие сметаа дека се повеќе во склад со пораките на Трамп и сè покритични кон Украина.
По расправијата меѓу Трамп и Зеленски во Белата куќа во февруари, Бринк се огласи на социјалните мрежи за да го поддржи американскиот претседател.
Прегледот на ФТ на објавите на Бринк на Х пред и откако Трамп ја презеде функцијата на 20 јануари покажа јасна промена во нејзините јавни изјави, особено во однос на Русија.
Во 75 дена пред инаугурацијата на Трамп, таа критички објави за Русија и војната во Украина 53 пати. За 75 дена потоа, таа објави само пет пати со спомнување на Русија, од кои ниту една не ја обвини земјата за нејзините напади.
Д. Мишев
