Илон Маск вели дека основа нова политичка партија, неколку недели откако драматично се скара со американскиот претседател Доналд Трамп, пренесува Би-си-си.
Милијардерот објави на својата платформа за социјални медиуми X дека ја основал Американската партија, претставувајќи ја како предизвик за републиканскиот и демократскиот двопартиски систем.
Сепак, не е јасно дали партијата е формално регистрирана кај изборните власти на САД. Маск, кој е роден надвор од САД и затоа не е подобен да се кандидира за претседател на САД, не кажува кој ќе ја води.
Тој првпат ја покрена можноста за формирање партија за време на неговата јавна расправија со Трамп, во која ја напушти својата улога во администрацијата и се вклучи во жестока јавна расправија со својот поранешен сојузник.
За време на таа расправија, Маск објави анкета на X чиј сопственик е тој, прашувајќи ги корисниците дали треба да има нова политичка партија во САД.
Повикувајќи се на таа анкета во својот пост во саботата, Маск напиша:
„Со фактор 2 спрема 1, сакате нова политичка партија и ќе ја имате!
„Кога станува збор за банкротирање на нашата земја со расипништво и корупција, ние живееме во еднопартиски систем, а не во демократија.
„Денес, Американската партија е формирана за да ви ја врати слободата.“
До саботата, Федералната изборна комисија не објави документи што укажуваат дека партијата е формално регистрирана.
Д. Мишев
