Комесарот за човекови права на Советот на Европа, Нилс Муижниекс денеска објави извештај во кој се оценува дека е потребен напредок во репродуктивните права на жените во Европа, пристапот до абортус и контрацепција и во родовата еднаквост.
– Репродуктивното здравје и женските права се и човекови права. За жал, на жените во Европа ова право им се ограничува преку закони и политики. Државите мораат да го признаат и да се справат со ова кршење на правата, изјави Муижниекс.
Неговиот извештај содржи 40 препораки, меѓу кои и воведување на сексуално образование, гаранции за пристап до контрацепција и легален абортус, ограничување на правото на лекарите да одбијат да вршат абортус, елиминирање на законската дискриминација и еднаквост на жените.
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
