Независниот синдикат на камионските транспортери на Македонија МАКАМТРАНС денеска побара институциите да преземат активности за, како што тврдат, незаконска продажба на парцели од плац во сопственост на МАКАМТРАНС со која буџетите на Република Македонија и на општина Гази Баба се оштетени од 10 милиони до 30 милиони евра.
Според Страшо Јовановски, претседател на МАКАМТРАНС, зад продажбата стои урбано-политичка мафија предводена од структури на поранешната власт.
Неколкудневниот протест на камионџиите пред општина Гази Баба со кој камионџиите сакале да укажат за состојбата е прекинат во моментот кога ги добиле копиите од документите врз кои, рече Јовановски, е исконструиран грабежот на паркингот којшто со договор од 2002 година е во владение на МАКАМТРАНС, во површина од 24.000 метри квадратни.
– Со тоа на буџетите на Република Македонија и на општината Гази баба им е предизвикана штета во висина од 10 до 30 милиони евра, рече Јованов, кој побара Специјалното јавно обвинителствоа, Јавниот обвинител и премиерот да преземат соодветни активности согласно надлежностите.
[divide]
извор: МИА
