Владите на Македонија и на Косово наскоро треба да одржат заедничка седница, на која се очекува да бидат потпишани 15 нови меѓудржавни договори, јавува дописникот на МИА од Приштина.
Косовскиот вицепремиер Енвер Хоџај за „Епока е Ре“ изјави дека со договорите се предвидува соработка во областа на правото, безбедноста, здравството и економијата.
Аналитичарите Блерим Река и Имер Мушколај во изјава за весникот ја поздравиле иницијативата за заедничка меѓувладина седница, но нагласиле дека е потребно спроведување на веќе потпишаните договори.
Според нив, потребни се конкретни чекори за олеснување на животот на граѓаните од двете страни на границата. (МИА)
