Бруталниот напад во саботата, 18 мај, врз Бранко Петровски, сопственикот на менувачницата „Бис“ и кафулето „Гарсон“, резултираше со негово одложено хоспитализрањепо поради тешките по живот повреди, додека напаѓачот Спиро Чорогунов и ден денеска е на слобода. Петровски излезе од болница на домашно лекување по две недели, но здравствената состојба е уште критична, а самиот напад ќе остави трајни последици.
И додека Петровски во домашни услови уште ја чека правдата, Чорогунов слободно шета низ квартот, каде се наоѓа и неговиот хотел „Александар 2“. Семејството живее во страв од можноста за нови притисоци и закани. Синот на Петровски на својот Фејсбук профил потсети дека додека тој е на слобода никој во квартот не е безбеден.
„И по дури 25 дена одкако го претепа татко ми (речиси до смрт), Спиро Чорогунов повторно почнал да се шета во нашиот кварт како нормален граѓанин кој не сторил никакво кривично дело. Без тронка каење или срам се појавува повторно пред нашите очи на неколку метри од местото каде го сторил делото. Можеби мисли дека се позаборави. Кога ќе помислам како го удира, срцето ми се кине, а сега кога помислувам дека ќе го сретнам мислам дека и ќе ми застане… Инспекторот кој го води настанов е многу коректен и вети дека до крајот на оваа недела ќе биде сè завршено од негова страна. Татко ми нема да биде работоспособен 6 до 8 месеци. Ве молам споделете му го суратот. Мора сите да дознаат дека вакви “шерифи” шетаат низ град. И дека само поради финансиската моќ си дозволуваат да одземаат нечие здравје (мислејќи дека нема да одговараат за тоа). Да не му се случи на друг! Ова никогаш да не се повтори!“, напиша синот на Бранко Петровски на својот Фејсбук профил.
https://www.facebook.com/permalink.php?story_fbid=2093455027621228&id=100008702524971
Чорогунов се поврзува со некои од влијателните луѓе од режимот на Груевски, за кои правдата уште не стигнала.
За потестување Чорогунов го извршил нападот врз Петровски во најнепосредна близина на хотелот „Александар 2“, кој се наоѓа во непосредна близина и на кафулето „Гарсон“ и на менувачницата. Тешкиот инцидент се случил среде бел ден кога Чорогунов му ја фрла малата табла со реклама за менувачницата што таму стои цели 19 години. Откако Петровски се обидува да ја врати таблата, Чорогунов го нападнал со тупаници, го кутнал на земја и продолжил силно да го удира во пределот на лицето, со што му нанел скршеници на вилицата, носот и во пределот на десното око.
ЦИВИЛ го следи случајот и бара институциите навремено да реагираат. Поддршката на кон семејството од ден на ден се зголемува, а граѓанките и граѓаните отворено го искажуваат својот револт кон ваквите случаи на криминално однесување.
