„Очекуваме во текот на неделата лидерот на ДУИ, г. Ахмети да одржи средба со премиерот Зоран Заев каде детално ќе ги анализираат сите ресори и ќе донесат правилни одлуки, со единствена цел да го зголемат капацитетот во ресорите каде се предвидуваат измени“, изјави министерот за економија, Крешник Бектеши.
До половината на јуни се очекува за промените да се гласа во Собранието. Кога Заев ги разреши потпретседателите, секретарите и Извршниот одбор на СДСМ, најави дека најмалку една третина од владата ќе биде сменета, без да ја исклучи можноста за промена и за замениците-министри, директорите, одборите и државните секретари.
A. M.