Украинската амбасадорка во земјава, Лариса Дир, која на социјалните мрежи води своевиден дневник на случувањата во Украина за време на целосната и неиспровоцирана руска воена агресија, во пост на социјалната мрежа Х објави за масовниот руски напад врз повеќе региони во Украина, во кој на -15 °C украинските цивили се оставени бес струја и греење, а има и повредени.
Ден 1427. Ноќеска рф изврши масовен напад врз Украина. Во Кијив 5635 станбени згради се без греење при температура од –15 °C. Има повредени во Виница, Днипро, Полтава и во други региони. Кремљ продолжува да води геноцидна војна против жени, деца и стари лица. #RussiaIsATerroristState, напиша амбасадорката Дир на Х.
Ден 1427. Ноќеска рф изврши масовен напад врз 🇺🇦. Во Кијив 5635 станбени згради се без греење при температура од –15 °C. Има повредени во Виница, Днипро, Полтава и во други региони. Кремљ продолжува да води геноцидна војна против жени, деца и стари лица. #RussiaIsATerroristState pic.twitter.com/Zf2QWvc4CO
— Larysa Dir (@dir_larysa) January 20, 2026
Како што пренесува Укринформ според објавата на НПЦ Укренерго на Фејсбук, од утрото на 20 јануари, поради нов масовен напад врз енергетската инфраструктура во Киев и шест други региони, потрошувачите се без струја.
„Во текот на ноќта и наутро, непријателот изврши масовен ракетен и беспилотен напад врз објектите на украинскиот електроенергетски систем. Како резултат на тоа, потрошувачите во Кијив и регионите Одеса, Днипропетровск, Ривно, Харкив и Суми се без струја утрово. Итните поправки започнаа веднаш по завршувањето на тревогата за воздушен напад и продолжуваат таму каде што безбедносната ситуација во моментов дозволува“, се вели во соопштението.
Поради прекини во електричната мрежа во некои региони предизвикани од руските напади, во моментов се во сила итни прекини на електричната енергија. Во други региони, во сила се распореди за ограничување на електричната енергија за индустријата и распореди за прекини на електричната енергија на секој час за населението.
Од 9:30 часот наутро во вторник, потрошувачката на електрична енергија беше на исто ниво како и претходниот ден.
„Во сите региони на Украина, постои потреба од заштеда на енергија во текот на целиот ден. Ве молиме користете моќни електрични апарати што е можно помалку. Доколку е можно, преместете ги енергетски интензивните процеси во ноќните часови по 23 часот“, советува операторот на електроенергетскиот систем.
Во меѓувреме, Министерството за енергетика известува дека ограничувањата на мрежата остануваат на сила во Кијив и регионите на Кијив и Одеса. Екипи за итни случаи од други региони се вклучени во обновувањето на снабдувањето со електрична енергија и топлина во главниот град.
Како што е објавено, повеќе од 335.000 корисници во Кијив останаа без електрична енергија поради рускиот напад во текот на ноќта, а енергетските компании веќе повторно поврзаа 162.000 од нив.
Покрај тоа, 5.635 високи згради останаа без греење, а објектите за водоснабдување останаа без струја.
Д. Мишев
