Големото Војводство Луксембург од 1 јануари 2022 година е член на Советот за човекови права на ОН. Оваа мала, но значајна европска држава, за првпат ќе учествува на претстојната редовна седница на Советот за човекови права на ОН, која ќе започне на 28 февруари.
Во пресрет на седницата на Советот на ОН, МНР на Лукембург започна Твитер кампања за човекови права. Амбасадорките и амбасадорите во мисиите при Министерството за надворешни работи на Луксембург одговорија на прашањето што за нив значи заложбата за човекови права.
Амбасадорот на Луксембург во Шпанија, Кристијан Бивер, во неговиот одговор што Министерството го објави на Твитер, објаснува што значи заложбата за човекови права:
Thank you @AmbLuxFrance !
Watch Ambassador Christian Biever explain what standing up for #HumanRights means.
📢 over to @LUinPortugal: what does standing up for #HumanRights mean to you?#LUStandsUp4HumanRights https://t.co/dL7KrOghVq pic.twitter.com/hIgYy9R1py
— Embajada de Luxemburgo en Madrid (@LUinMadrid) February 10, 2022
„За мене „застанувањето во одбрана на човековите права“ значи да имаме силни морални принципи кои ќе ги браниме со сите средства што ни се на располагање. Тоа исто така значи да имаме храброст да се бориме за овие човекови права, дури и против неволји, против луѓе или институции со поголема сила и моќ. Тоа бара интегритет, храброст и истрајност“ – вели амбасадорот Бивер.
