Предавање и експертска дебата за Hatch Act – законот во САД што ја одредува и ја регулира одвоеноста на државната администрација од партијата на власт, ќе се одржи на 28 февруари (вторник) со почеток во 11.30 часот, на Правниот факултет „Јустинијан Први”, во организација на факултетот, на Здружението на млади правници и на американската амбасада.
Законот се однесува на сите вработени од државна агенција чија работа во целост или делумно е финансирана од федералната влада. Американската федерална влада има легитимен интерес да обезбеди услови, сите програми финансирани од неа, да бидат извршувани на непартиски начин и да обезбеди јавноста да не ги перципира вработените, инволвирани во водењето на овие програми, како партиски политичари кои работат несоодветно, под партиско влијание.
Законот се однесува и на вработените кои работат повремено или на специјално ангажираните вработени од Владата, во моментите кога е на должност. Одредбите обезбедуваат дека вработените назначени како членови во специјални комисии или единици кои немаат регуларни и постојани задачи, може да се кандидираат како партиски политички кандидати, но може да учествуваат активно во кампањата само кога не се на должност.
Госпоѓа Ана Галиндо, шеф за овој закон во американската администрација, ќе одржи предавање за законот и неговата улога, а потоа, ќе следува дебата на која ќе учествуваат професори од Правниот факултет. Г-ѓа Галиндо ќе го посети и Македонско здружение на млади правници каде што ќе се презентира и дискутира Hatch Act.