Директорот на Центарот за управување со кризи Стојанче Ангелов во врска со топлотниот бран што ја има зафатено земјава упати апел до градоначалниците да бидат во висина на нивните надлежности и при појава на пожар да дадат се од себе, пожарот да биде изгаснат во прва фаза, и на тој начин да се помогне во безбедноста на граѓаните.
Тој за Градска.мк истакна дека во случај на пожари поради големите горештини државата сега е по подготвена за разлика од минатите години.
Според него тоа се должи поради тоа што државата сега има значително повеќе воздухоплови кои што го олеснуваат гаснењето на пожарите особено во високите тешко достапните предели.
„Генерално надлежноста за гаснење на пожари е на територијалната против – пожарна единица на чија што територија настанува пожари. Доколку пожарите настануват во шума, а ако шумата е надлежност на национални шуми тогаш национални шуми ја имат надлежноста за гаснење на тој пожар заедно со локалната против – пожарна единица„ кажа Ангелов, додавајќи дека истото важи и за националните паркови.
Ангелов истакна дека локалната самоуправа има нагласено значајна улога во гаснењето на пожари. Со појава на пожари градоначалниците треба да дадат се од себе и истите да ги изгаснат во прва фаза.
„Ако градоначалниците немат доволно капацитет да се справат со некој пожар на отворено, тогаш тие треба итно да побарат подршка-помош од соседните општини. Ако и тоа не е доволно, тогаш треба да ги ангажираат и тимовите од националните шуми, Дирекцијата за заштита и спасување кои што имат тимови за гасење на пожари и дури по тоа доаѓаат леталата кој што се шумски ограничен ресурс, затоа што многу често се случило кога ќе се појавило некој пожар на отворено или во шума првото нешто кој што ќе го побара градоначалниот е хеликоптер или авион. Тие се скапи и ограничени ресурси кои што мора да ги чуваме само онаму каде што навистина се неопходни„ додава тој
Македонија ќе остане во портокалова фаза, поради високите температури од над 40 степени, кои ќе траат во наредните десет дена. Остануваат да важат препораките за најранливите категории. Бремените жени и лицата над 60 години се ослободени од работа, а децата во градинките не смеат да се надвор од 11 до 17 часот. Од денеска важи и забраната за движење низ шумите, односно низ националните заштитени подрачја Јасен, Маврово, Попова Шапка и Пелистер. На подрачјето на Водно, каде нема забрана за движење, се предвидени редовни контроли.
Н. А. / Градска.мк
