Лидерот на партијата Левица, и од неодамна и пратеник во новиот состав на Собранието на Република Северна Македонија, Димитар Апасиев, не престанува со своите непристојни, вулгарни и скандалозни изјави.
Откако изјави дека „ќе ги стрела сите“ ( во собранието), Скопското јавно обвинителство отвори предмет за Апасиев., а според неговите „благородни“ активности и изјави со кои ја “забавува“ јавноста, надлежните институции ќе треба многу посериозно да се ангажираат во однос на ваквото скандалозно однесување и злоупотреба на слободата на изразување, во корист на лични фрустрации и извртени светогледи.
Овој пат мета на Апасиев е Радмила Шеќеринска, на која и упати екстремно вулгарна порака на својот фејсбук профил.
Досега, од Радмила Шеќеринска нема реакција.
ЦИВИЛ континуирано ги повикува надлежните институции да се ангажираат максимално во спречувањето на ширење на говор на омраза, и да ги санкционира соодветно.
