• Latest
Добро утро со Орданоски

Аутопсија на еден „активен бојкот“

May 16, 2022
Фотомонтажа: ХИМАРС фото Д. Мишев.Гутков фото: Killed in Ukraine/X

Русија потврди: Заменик-командантот на руската морнарица убиен во украински напад во Курск

July 3, 2025
Фото: ВИ

24 ЧАСА: „Шлаканица“ од Брисел за Мицкоски, сестринските партии го избришаа македонскиот јазик и идентитет од ЕУ извештајот; Обвинителството го амнестира Максим Димитриевски; Кавказ на работ на нов конфликт

July 3, 2025
Фото: Скриншот од видео на FoxNews објавено од Антон Герашченко на Х

Марк Руте: Лавров е министер за надворешни работи на Русија од времето на Исус, ништо корисно не излезе од неговата уста оттогаш

July 3, 2025
Фото: Скриншот од видео на 
Al Jazeera English

Хамас задоволен од гаранцијата на САД за разговори за прекин на војната во Газа, примирјето на повидок

July 3, 2025
Сребреница, меморијална гробница (фото извор: Wikimedia Commons)

Посмртните останки на седум жртви од геноцидот ќе бидат погребани во Меморијалниот центар за Сребреница во Поточари

July 3, 2025

Се отстранува „македонски идентитет и јазик“ во извештајот на ЕП за Северна Македонија, за Мицкоски тоа е „талибански начин“, за СДСМ премиерот е крив

July 3, 2025
Илустрација ВИ

Локални избори 2025: СДСМ без Костадинов, ВМРО-ДПМНЕ сигурни во победата, ЗНАМ сигурни во поддршката од ВМРО

July 3, 2025
Фото: Креирано со помош на ВИ

Апсења со смртни последици, рации, претепани и крвави осомничени, соборен патнички авион – како се влошија односите меѓу Русија и Азербејџан

July 3, 2025
фото: Цивил

Поради ниските плати луѓето земаат боледувања за да работат и друга работа

July 3, 2025

Косовското собрание не успеа да се конституира по 41-ви пат, граѓанското општество протестира, некои донесоа магариња

July 3, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Аутопсија на еден „активен бојкот“

И повторно во опозицијата сѐ се врти околу кариерата на професорот Мицкоски! Единствената негова јасна политика се инсистирањето на предвремени избори, но јавноста и сега не знае дали тој, самиот, ќе излезе (и каде) како кандидат на изборните ливчиња, па дури ни тоа дали има намера, евентуално, да биде идниот македонски премиер?

May 16, 2022 06:40
in ДОБРО УТРО СО ОРДАНОСКИ, СЛОБОДНА ЗОНА, ТОП 5
Добро утро со Орданоски

Добро утро со Орданоски

Share on FacebookShare on Twitter

САШО ОРДАНОСКИ

Опозицискиот „активен собраниски бојкот“ тукушто започна, а веќе е време за аутопсија на тој најнов обид за рушење на власта. Зошто? Бидејќи на тој начин власта нема да биде соборена. А делува очајнички и, можно е, ќе направи дополнителна штета на и онака нискиот рејтинг на опозицијата. Кој е само нешто повисок од оној на власта.

Тоа е елементарното прашање за опозицијата: зошто рејтингот никако битно не ѝ расте, дури и според нивните „мерни станици“, после сите упорни обиди откако ги загуби минатите парламентарни избори за соборување на власта?

Од победата на локалните избори, со депресивно ниско ниво на освоени изборни гласови, ВМРО-ДПМНЕ го троши тој скромен изборен кредит со распенавено „лаење“ покрај патот, додека карванот си врви. Нивниот проблем не е колку гласачи не ја сакаат власта; за тоа успешно се грижат СДСМ и ДУИ. Нивниот проблем е зошто разочараните од власта не наоѓаат алтернатива во опозицијата? Зошто ја сметаат за јалова, неавтентична, истрошена, во веќе видени изданија – како ова со бојкотот на Собранието, што сега ќе се „надградува и проширува“ – за кои големата критична и апатична гласачка маса „пет пари“ не дава?

За најголемите проблеми во перцепциите и реалноста на ова општество – евро-интеграциите, корупцијата, растечката сиромаштија, енергетската криза, продолжената партизација на државниот апарат и сл. – опозицијата нема своја политика што може да се запамти и препознае. Има месечно по сто партиски соопштенија, прес-конференции, дневни изјави и повеќе интервјуа по медиумите веројатно двојно од просекот на сите изминати триесетина години демократија, но нема кој може да ви наброи пет конкретни идеи на опозицијата како да се решат тие проблеми. Власта си тера реформски „бизнис-ес-јужуал“, со бледи резултати; опозицијата исто така.

Затоа, всушност, и овој парламентарен бојкот повеќе наликува на здодевен и неоригинален изговор – „Еве, правиме нешто!“ – за недостатокот од политики за сите актуелни теми што го преокупираат секојдневието на граѓаните. Претпоставувам дека следното „активно ниво“ е со по пет-шест автомобили со денови да се блокираат клучните крстосници во Скопје… Е, дури тоа би било нешто ново и невидено! И сигурно ќе охрабри стотици илјади гласачи да се приклонат кон барањата на опозицијата.

Во меѓувреме, рутинираниот „карван“ на власта „укнижува“ разврзување на уште еден децениски историски јазол, оној со статусот на МПЦ-ОА – бидејќи, да нема сомневања, колку што е тој компликуван расплет црковен, толку е и граѓански, политичко-дипломатски успех – па дури и ако ништо не се случи во догледно време со евро-интегративната „ќоравија“ со Бугарија, овој мандат на СДСМ, ДУИ и другите помали коалициски партнери во власта влегува директно во аналите на вековната македонска мултиетничка и мултикултурна историја. Ако тоа не е „зацврстување на националниот идентитет“ – омилената опозициска дрндупка сите овие години – тогаш не знам што е… Законот за коцкарници? Ископот на јаглен во РЕК Битола? Јавниот превоз во Скопје? Платите во образованието? Некој нов корупциски скандал? Или тековниот раст на инфлацијата, можеби? Не дека и на овие теми не се губат или добиваат избори, но трајноста им е како ланскиот снег. За нив експертската и невладината заедница во Македонија секако имаат покохерентни ставови од оние на опозицијата.

На „ланскиот снег“ наликуваат и опозициските (само)фалби за стоте дена локална власт. Поминуваат и двесте денови од нивното управување со најголемиот дел од општините и да не се контроверзите со скопската градоначалничка, ништо особено битно нема што да се рапортира од тој поднационален сектор на управување со државата. И ВМРО-ДПМНЕ, како што тоа го правеше и СДСМ, не го користи граѓанскиот, непартиски дел од локалната самоуправа за промовирање на иницијативи, проекти и поинаков начин на работа и општинско одлучување што не би ја имал партиската логика и интереси зад себе. Шест месеци се доволно време за да се видеше евентуален нов пристап на владеењето на локално ниво што би можел да навести нови политики за националниот изборен натпревар. Тенка работа. Па, не може еден Тимчо Муцунски да биде единствената локална „ластовичка“ оваа опозициска пролет!

И повторно во опозицијата сѐ се врти околу кариерата на професорот Мицкоски! Единствената негова јасна политика се инсистирањето на предвремени избори, но јавноста и сега не знае дали тој, самиот, ќе излезе (и каде) како кандидат на изборните ливчиња, па дури ни тоа дали има намера, евентуално, да биде идниот македонски премиер? А, годинава ќе направи пет години на чело на ВМРО-ДПМНЕ откако го замени Груевски и уште се однесува како главен портпарол на партијата. Нормално дека личниот рејтинг не му е мрднат од едноцифрен процент, дури ни по заминувањето на неговиот архи-опонент Заев во политичка пензија. Проблемот е што Мицкоски се трка со самиот себе, а не со Ковачевски, во поддршката во јавноста. И во таа трка стои очајно лошо.

Така изгледа и оваа политичка пролет во Македонија погледната низ ракурсот на македонската опозиција. Бомбастично-депресивно. Аутопсијата покажува дека пациентот е клинички мртов, само што никој нема храброст тоа да му го соопшти на партиското семејство.


Сите права се задржани. Текстот е личен став на Авторот.
Print Friendly, PDF & Email
Share33Tweet21Send

НАЈЧИТАНИ 5

  • Костадинов до Латас: Кога ќе ја чепнеш честа на мојот мртов татко, правдата не се моли. Се зема.

    109 shares
    Share 44 Tweet 27
  • Едногодишен помен

    99 shares
    Share 40 Tweet 25
  • 24 ЧАСА: „Шлаканица“ од Брисел за Мицкоски, сестринските партии го избришаа македонскиот јазик и идентитет од ЕУ извештајот; Обвинителството го амнестира Максим Димитриевски; Кавказ на работ на нов конфликт

    97 shares
    Share 39 Tweet 24
  • Таче се (по)јави, вистина се (по)јави

    92 shares
    Share 37 Tweet 23
  • Апсења со смртни последици, рации, претепани и крвави осомничени, соборен патнички авион – како се влошија односите меѓу Русија и Азербејџан

    91 shares
    Share 36 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ