Бачев „открива“ дека ЦИА врши притисок врз тројца пратеници во Собрание

„Тројца пратеници се заклучени во Собранието каде што е присутен и локалниот раководител на ЦИА, Дејвид Стивенсон, и врз нив се врши невиден притисок за да гласаат за уставните измени, обвини лидерот на Единствена Македонија“ – Јанко Бачев.

„Ни стигна потврдена информација дека седницата е одложена, а тројца пратеници не ги прифаќаат барањата на Беса. Тие биле заклучени во Собранието и им се врши притисок, по наредба на Џес Бејли. Ова е државен удар“ – тврди Бачев, за кој е познато дека работи за руските интереси.

Тој побара итно да дојде и јавниот обвинител и да даде налог за апсење бидејќи се врши притисок врз тројца народни избраници. Дополнително, Бачев го повика и претседателот Ѓорге Иванов да дојде и да не молчи бидејќи, како што рече, во Собранието се случува државен удар.

Д. М.

фото: Б. Јордановска