ВЕСТ НА ДЕНОТ
Бајден ја обвини Русија за геноцид, од ОБСЕ соопштуваат дека Русија го прекршила меѓународното право
Русија извршила прекршување на човековите права и го прекршила меѓународното хуманитарно право за време на нејзината инвазија на Украина, откри Организацијата за безбедност и соработка во Европа. Во извештајот на безбедносното тело со седиште во Виена, објавен во средата, се вели дека оние кои наредиле напади на породилиште и театар претворено во засолниште во опколениот град Мариупол, извршиле воени злосторства.
Извештајот следи по декларацијата на претседателот Бајден за прв пат, дека Русија спроведува „геноцид“ во Украина. Украинскиот претседател Володимир Зеленски изјавите на Бајден ги нарече „вистински зборови на вистински лидер“, иако највисоките американски функционери се спротивставија на користењето на терминот, дури и покрај доказите за брутално мачење и убиства и зголемените обвинувања дека Русија извршила воени злосторства против Украинците. Бидејќи францускиот претседател Емануел Макрон одби да ги нарече акциите на руските трупи во Украина „геноцид“, велејќи дека „ескалацијата на реториката“ нема да помогне да се запре војната, шефовите на државите на Полска, Естонија, Летонија и Литванија – четири од Украина повеќето гласни поддржувачи во НАТО – отпатуваа во Киев за да се сретнат со Зеленски.
Бајден подоцна им објасни на новинарите дека намерно го употребил зборот геноцид во својот говор, иако додаде дека „ќе ги остави адвокатите на меѓународно ниво да одлучат дали тоа се квалификува или не“. Но, тој беше решителен во својата изјава, велејќи „Тоа сигурно ми изгледа така“.
ИЗЈАВА НА ДЕНОТ
„Неиспровоцираниот напад на Русија врз Украина докажува дека членството во најголемиот светски одбранбен сојуз НАТО, е од огромно значење за секоја членка. Ние сме мала земја. Нашата безбедност ја гарантираат сите членки на НАТО, што има многу позитивни последици за нашето општество – исто така и за нашата економија. Затоа што странските инвеститори, особено оние од инфраструктурниот сектор, знаат дека се во безбедна земја, заштитена од НАТО.
Западен Балкан отсекогаш бил од интерес за Русија. Нејзиното влијание преку медиумите, вклучително и преку некои политички партии, беше секогаш присутно. Русија има интерес од замрзнати конфликти на Балканот, кои им оневозможуваат на земјите да го изодат својот пат кон евроатлантските интеграции“, изјави премиерот Димитар Ковачевски за австрискиот весник „Ди Пресе“.
ВОЈНА ВО УКРАИНА
Од 4 часот наутро на 24 февруари 2022 година, кога започна вооружениот напад на Руската Федерација против Украина, до 24:00 часот на полноќ на 11 април 2022 година (по локално време), Канцеларијата на Високиот комесаријат за човекови права на ОН (ОХХР) забележа 4.450 цивилни жртви во земјата: 1.892 загинати и 2.558 повредени.
Украинската вицепремиерка Ирина Верешчук изјави дека денеска нема да биде можно да се отворат хуманитарните коридори за евакуација на цивилите од опколените градови.
Во Русија започнаа чистки во редовите на ФСБ, чии разузнавачки служби му дадоа на Кремљ неточни информации за ситуацијата во Украина, што резултираше со целосен неуспех на „Блицкригот на Путин“. Поради тоа досега се суспендирани околу 150 специјалци, а некои, меѓу кои и шефот на таканаречената 5-та служба, Серхиј Беседа, се приведени.
Руското раководство им наредило на своите војници да ги отстранат сите докази за злосторствата извршени од руската армија во Украина, а сега тие користат 13 мобилни крематориуми за палење на цивилни тела во градот Мариупол, објави главниот оддел за разузнавање на украинското Министерство за одбрана на Телеграм.
Во вторник навечер, на 12 април, претседателот на Украина Володимир Зеленски објави дека кумот на Путин, народниот заменик од ОПЖ Виктор Медведчук бил уапсен.
ФЛЕШ ВЕСТИ
ОБРАЗОВАНИЕ Министерството за образование и наука е подготвено да пренамени дел од својот буџет за да се доближи до процентот на покачување на платите што го бара СОНК, вели министерот Шаќири.
МВР Лицето А.Ѓ.(28) , првоосомничениот за кривичното дело убиство на Денис Тот ноќеска (13.04.2022) околу 02 часот е спроведен во КПУ Затвор Скопје за издржување на мерката притвор, одредена од надлежниот суд. Тој беше баран по потерница односно Наредба – XL КО. бр. 1211/22 од 12.04.2022 год. на ОЈО Скопје поради основано сомневање за сторено кривично дело „Убиство“ по чл. 123 од КЗ на РСМ.
ОРУЖЈЕ Одделот за криминалистичка полиција – Сектор за недозволена трговија со дрога и оружје во координација со полициски службеници од Единицата за недозволена трговија – Одделение за недозволена трговија со оружје и експлозивни материи при СВР Скопје, ЕВР – Одделение за криминалистички работи Чаир и Единицата за службени кучиња, по претходно добиена наредба од Основен кривичен суд Скопје, извршен е претрес на дом и други простории кај Д.К.(75) од с.Љубанци, вчера, на 12 април.
ДЕЗИНФОРМАЦИИ
И во нашата држава, руската машинерија за ширење лажни вести и дезинформации работи со полна пареа. На порталот Слободен свет, freeglobe.mk, (кој нема импресум), е објавен пропаганден текст со наслов: Откриен фејк за злосторот во Буча: „Силуваната и убиена девојка“ која ги преплави медиумите, жива здрава прави селфи на социјалните медиуми!, прочитајте во анализата од Дехран Муратов Токсичните лаги на „путинистите“ за масакрот во Буча.
МУЛТИКУЛТУРА
Претставници на ЦИВИЛ денеска остварија средба со членовите на Комисијата за спречување и заштита од дискриминација, по повод почетокот на реализацијата на проектот „Чекор напред кон мултикултурно општество“.
Претставниците на организацијата ги информира членовите на КСЗД за активностите во рамки на проектот, што ќе бидат насочени кон промоција на мултикултурализмот, почитувањето на различностите и недискриминацијата во општеството како фундаментални човечки и европски вредности.
Членовите на КСЗД, истакнувајќи ја важноста на темите опфатени во проектот, изразија поддршка за активностите на организацијата и заложбите за мултикултурно општество.
ДИСТРИКТ
Во Дистрикт на Цивил Прес Студио, интервју на Зоран Иванов со Марјан Ѓорчев – градоначалник, пратеник, министер, амбасадор, публицист, еден од основачите на ВМРО-ДПМНЕ, зборува за руската инвазија и украинските последици, македонските интеграции и бугарските блокади, партиските кампањи и предвремените избори, идеолошката еволуција и партиската транзиција и за уште по нешто.
Во Дистрикт на Цивил Прес Студио, интервју на Зоран Иванов со новинарката Кристина Атовска, единствениот македонски воен репортер од воената Украина, деновиве се врати од Киев и од фронтните предели предизвикани со руската агресија. Таа овде ги пренесува своите доживувања и импресии, страдањата на украинските граѓани и животот во услови на војна.
СЛОБОДНА ЗОНА
„Многу академски истражувања се фокусираа на годините на советската окупација, 1945-49 година, со неспоредлива бруталност кон Германците во источната зона, во споредба со нивните колеги на Запад. Иако не може прецизно да се одреди бројот на силувани и убиени жени, проценките на жртвите од силување во две големи болници во Берлин се движеа од 95.000 до 130.000. Еден лекар процени дека од 100.000 жени силувани само во Берлин, 10.000 умреле како резултат на тоа, а огромното мнозинство извршило самоубиство.“, прочитајте во колумната на Даша Стокоз Крволочна армија на силувачи.
„Како што е познато, на најновиот список од седум „банирани“ лица се наоѓаат и имињата на Никола Груевски и Сашо (алијас Алекс, Александар, Саша) Мијалков, како и компанијата во сопственост на Груевски I.C.I.C. Kft (компанија со ограничена одговорност), регистрирана во будимпештанското предградие Пецел (ул. „Бочкаи“ бр. 9), на дваесетина километри од центарот на унгарската престолнина. Наведениот список на сомневања за злодела со кои двеве лица се товарат од страна американската администрација е предолг за овдека да се набројува (во официјалното соопштение има десетина реда за тоа), но за македонската јавност во списокот на тие злоупотреби и криминали нема ништо кривично-правно што веќе со години не го знаеме.“, пишува Сашо Орданоски во колумната Зошто никого не го интересираат украдените пари од Груевски?.
Д. Тахири
