Поранешниот американски претседател Барак Обама е почестен со награда „Еми“ за неговата работа како наратор во документарната серија на Нетфликс – „Нашите големи национални паркови“. Ова синоќа го соопшти Американската телевизиска академија, објави АФП.
Congrats to President Barack Obama who just became the first President to win a competitive Emmy for narrating Our Great National Parks pic.twitter.com/v86JNsyDGD
— Netflix (@netflix) September 4, 2022
Церемонијата на доделувањето на „Еми“ наградите ќе се одржи на 13 септември, но победниците во некои од помалку важните категории се однапред објавени. Уште еден американски претседател – Двајт Д. Ајзенхауер во 1956 година – доби „Еми“, но во неговиот случај наградата била почесна.
По напуштањето на Белата куќа во 2017 година, Барак Обама и неговата сопруга Мишел објавија мемоари, кои станаа бестселери. Освен невладина организација, тие основаа и компанија која потпиша договор со Нетфликс за десетици милиони долари.