Оливер Белопета за ЦИВИЛ Медиа говори за мултикултурализмот низ светски примери во музиката, односно џезот, и огромното богатство што таа може да го донесе.
Мултикултурата, особено за помали земји како Македонија, треба да претставува богатство. И тоа од креативен аспект, носи, или треба да донесе многу. Од тој агол, убав е тој проект „Едно општество за сите“, опфаќа работи кои се надвор од културата, меѓутоа, сакам да кажам дека тоа што во оваа наша земја постојат повеќе култури кои се испреплетуваат и влијаат една на друга, покажува дека тоа е едно огромно богатство за една држава.
Ќе илустрирам со еден пример, а можам да кажам и повеќе. Самиот џез не случајно е настанат во Њу Орлеанс. Бидејќи Њу Орлеанс бил и под Шпанци, и под Французи, и под овие и под оние… И таму на пример полека дошло до ослободување од ропството на африканските доселеници, тоа било првото место каде што се обединила европската музика и она што било донесено од Африка. Во место кое го имало првиот демократски изблик на соживот. Има многу вакви примери, и затоа велам дека политичкото значење на Офф Фест е поголемо од џезот. Ако сакате да се почитува нашата музика, а тоа Словенците го сфатија многу добро, треба да се донесе и светската музика во малите земји, не само анго-саксонската, која е извонредна, и на тој начин да се воспостави двострана комуникација, порача Белопета.
Д. Тахири
Камера и монтажа: Ариан Мехмети
Оваа содржина е дел од иницијативите и проектите на ЦИВИЛ за промоција на мултикултурализмот и европските вредности, со поддршка од Министерството за надворешни работи и европски прашања на Големото Војводство Луксембург. Ставовите и мислењата изнесени во овие содржини се на самите Автор(к)и и не нужно ги отсликуваат официјалните ставови на донаторите.