Бројот на загинати како резултат на руски ракетен напад чија цел беа станови во високоградба во Днипро се зголеми на 40, меѓу кои и три деца, соопшти Државната служба за вонредни состојби на Украина, пренесува Укринформ.
До 13:00 часот спасени се 39 лица (од кои шест деца), 40 загинаа, меѓу кои три деца, 75 се повредени (од кои 14 деца), а 46 се пријавени како исчезнати“, се вели во соопштението.
Психолозите од Државната служба за итни случаи укажале помош на 98 жртви.
Операциите за пребарување и спасување се во тек. По ударот, општинските служби отстранија од локацијата повеќе од 8.000 тони градежен шут и 41 оштетено возило.
Во акцијата беа вклучени вкупно 544 лица и 75 парчиња опрема, од кои 114 персонал и 24 возила на Државната служба за итни случаи.
На 14 јануари 2023 година, пет крстосувачки ракети Кх-22 беа истрелани од пет руски бомбардери со долг дострел Ту-22м3 на територијата на Украина. Лансиран од областа Курск околу 15:30 часот, удри во станбен блок во градот Днипро“, изјави генерал-полковник Микола Олешчук, командант на воздухопловните сили на вооружените сили на Украина, пренесува Укринформ повикувајќи се на Министерството за одбрана.
Подготви: Д. Мишев