Германскиот Бундестаг го призна Холодомор од 1932-1933 година за геноцид врз украинскиот народ.
Како што јави дописникот на Укринформ, резолуцијата беше усвоена со мнозинство гласови, без пребројување, со кревање рака.
За резолуцијата гласаа четири фракции. Левица и Алтернатива за Германија беа воздржани.
Претседателот на Украина, Володимир Зеленски, им се заблагодари на пратениците во Бундестагот за историската одлука да се признае Холодомор од 1932-1933 година за геноцид врз украинскиот народ.
„Германија го призна холодоморот од 1932-1933 година како геноцид. Им благодарам на пратениците во Бундестагот за оваа историска одлука. Вистината секогаш победува“, објави Зеленски на Твитер.
Німеччина визнала Голодомор 1932-1933 років геноцидом. Дякую за це історичне рішення депутатам Бундестагу. Правда завжди перемагає.
— Володимир Зеленський (@ZelenskyyUa) November 30, 2022
За ваквата одлука на Бундестагот му се заблагодари и шефот на Кабинетот на претседателот Андриј Јермак.
„Холодоморот од 1932-1933 година беше геноцид. Му благодарам на Бундестагот – ова е историска правда признаена од светот. Ја знаеме и нацијата одговорна за злосторството“, нагласи тој.
