• Latest
Џабир Дерала (фото: Б. Јордановска/ЦИВИЛ за УКРИНФОРМ)

Денко Малески ги воспеа Путин и Трамп: Зошто по ѓаволите!?

August 18, 2025
Први коментари од Трамп откако неговиот мегазакон беше усвоен. Фото: Скриншот од видео на ВВС

Трамп тврди дека е подготвен за „втора фаза“ од санкциите против Русија, ќе разговара со Путин „многу наскоро“

September 8, 2025

Уште 7 дена за пријавување на повикот на ЦИВИЛ за краткорочни или долгорочни изборни набљудувачи, крајниот рок е 15 септември

September 8, 2025
Фото: МНР на Украина/ Х

Честитки од МНР на Украина по повод Денот на независноста

September 8, 2025
Војо Маневски

Зошто се злоупотребуваат тајните служби?

September 8, 2025
Проф. Оливер Андонов (фото: ЦИВИЛ)

Зависна независност

September 8, 2025
Фото: Скриншот од видео

Одбележување на 34-годишнината на Денот на независноста – „Од сон до реалност, за вечност“

September 8, 2025
Фото: Скриншот од видео на Al Jazeera English

Израелскиот врховен суд пресуди: Палестинските затвореници не добиваат соодветна храна

September 8, 2025

Руската хибридна војна против Европа (1): Европа конечно признава дека е нападната

September 8, 2025

Владата ја пушти „втората рата“ од 17 километри од делницата Кичево – Охрид

September 7, 2025

Тинејџери шетаат со пиштоли на улица и во кафуле – полицијата интервенира, но каде е системот?

September 7, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА

Денко Малески ги воспеа Путин и Трамп: Зошто по ѓаволите!?

Малески позира како умерен реалист, но неговите колумни не нудат ништо повеќе од „интелектуално“ покритие за руските пропагандни наративи. Во суштина, тоа е опасна апологија на политиката на додворување кон агресорите, со бришење на Украина како субјект и легитимизација на воените злосторства на Путин.

August 18, 2025 11:16
in ПОЛИТИКА, ПРОПАГАНДА, СЛОБОДНА ЗОНА, ТОП 5
Џабир Дерала (фото: Б. Јордановска/ЦИВИЛ за УКРИНФОРМ)

Џабир Дерала (фото: Б. Јордановска/ЦИВИЛ за УКРИНФОРМ)

Share on FacebookShare on Twitter

ЏАБИР ДЕРАЛА

Нема дилеми. Малески само позира како умерен реалист, но всушност ја брани политиката на додворување – најмногу кон воениот злосторник Путин. Неговата позиција е одбрана на познатите руски воено-пропагандни наративи и ништо повеќе. Еве зошто.

Илузијата на „мир преку признавање“

Во својата најнова колумна „На Алјаска, Трамп ја промовира Русија во голема светска сила“ (Либертас, 18.8.2025), професорот и поранешен министер за надворешни работи, Денко Малески, го велича самитот на Доналд Трамп со Владимир Путин во Алјаска како пресврт кон мир, бидејќи САД „конечно ја признале Русија за голема сила“. За него, „смелиот чекор“ на Трамп наводно ја заменува конфронтацијата со дипломатија и нуди „нова шанса за светски мир“. За многумина ова беше непријатно изненадување, но ако се погледне подлабоко, ќе се види дека ова е само дел од една длабоко вкоренета идеолошка матрица.

Оваа нарација не е ништо повеќе од препарирана верзија на старата доктрина на додворување на агресорите и диктаторите (appeasement). Со величањето на наводниот прагматизам на Трамп, Малески ги рецитира кремљовските мантри: Русија како жртва на западното понижување, Путин како неразбран државник, а Украина како жетон што треба да се жртвува за илузијата на стабилност.

Лажната аналогија: Куба, Мексико и НАТО

Малески го повторува одамна истрошениот и разобличен кремљовски аргумент, повикувајќи се на Кубанската ракетна криза од 1962, прашувајќи: Ќе прифатеше ли Америка кинески бази во Мексико?

Ова е класичен пример на логичката заблуда позната како whataboutism – префрлање на вниманието со споредби кои не се валидни.

Тој целосно занемарува еден очигледен факт. Членството во НАТО не е окупација, туку слободен избор на суверени држави кои вложуваат големи напори да се зачленат во Алијансата, со слободна волја избираат да се грижат за својата безбедност во колективно тело, токму поради опасноста од руска инвазија. Изедначувањето на доброволните сојузи со непријателски ракетни бази е свесна манипулација – пропагандно клише за да се прикаже руската агресија како „одбрана“.

Ова не е случајност, не е ниту неинформираност – се работи за искусен дипломат и универзитетски професор! Кој, ете, решил да се разголи пред јавноста и да мавта со истрошени руски пропагандни наративи во кои веќе никој не верува.

„Лудиот што донесе мир“ – опасен мит

Малески оди уште подалеку, велејќи дека токму „лудиот, непредвидлив“ Трамп е, сепак, единствениот лидер кој решил да ја сопре војната со дипломатија. Европа ја претставува како арогантна, милитантна и слепа, додека Трамп и Путин ги прикажува како вистински реалисти кои сфатиле дека „војната повеќе не е опција“.

Ова не е трезвена анализа, туку е ода на капитулацијата, маскирана во лажен реализам. Во визијата на Малески, мир е можен само ако Украина ги прифати условите на Русија:

  • признавање на нелегалните анексии;
  • принудна неутралност и разоружување на Украина;
  • прекројување на европскиот поредок според московски диктат.

И тоа е мир!? Не. Тоа е легализација на војната на агресија, воените злосторства и геноцидот. Вовед во нова серија воени агресии за освојување територии и бришење на цели држави и нации од картата на светот.

Главниот проблем: Бришење на Украина

Најзагрижувачки аспект на текстот на Малески е – практично – поддршка на идејата за бришење на Украина како субјект.

Руската војна против Украина не е некоја шаховска партија меѓу „големи сили“. Тоа е геноцидна агресија против суверена држава. Сведувањето на Украина на жетон во „големата игра“ меѓу Вашингтон и Москва значи прифаќање на светогледот на Путин: дека малите народи мора да се покорат на империите.

Кога Малески цитира дека „силните прават што можат, а слабите што мораат“, тој зборува како да не постојат меѓународно право, човекови права и Повелбата на ООН, каде што беше постојан и претставник на нашата земја во периодот 1993-1997. Оваа логика на покорување пред суровата сила наспроти меѓународното право е истата што ја доведе Европа до катастрофите во 20 век. Прифаќањето на таквиот став денес е крајно неодговорно.

Додворувањето никогаш не носи мир

Да бидеме јасни: кога ја напишав колумната Историјата репетирана: Цената на додворувањето кон Русија за медиумската платформа на ЦИВИЛ, тоа го сторив за да нагласам дека лекциите од Минхен, Јалта и сите претходни неуспеси на додворувањето мора да нè водат кон нивно надминување – а не да се повторуваат.

Европските лидери се во право кога предупредуваат дека опасноста од војна со Русија е реална. Тие ги научија лекциите од историјата: додворувањето секогаш само го охрабрува агресорот. Од Минхен, 1938, до Јалта, 1945, па преку Чеченија, Грузија, Сирија и денес Украина – Русија секогаш профитирала од западната снисходливост и попуштање. Визијата на Малески се состои во опасно продолжување на истиот трагичен шаблон – привиден мир со долгорочни катастрофални последици.

Опасно „интелектуално“ покритие за агресијата

Денко Малески се претставува себеси како мудар реалист надвор од идеолошките битки. Но, споменатата колумна, а и претходната, всушност, обезбедуваат „интелектуално“ покритие за геноцидниот експанзионизам на Путин и за суетата на Трамп. Несфатливо лесното жртвување на Украина како цена за „светскиот мир“ не е ништо друго освен студен и бесчувствителен цинизам кон 20.000 украински деца што ги киднапира рускиот агресор, сите деца што загинаа под ракетниот терор, сите жени што беа мачени и силувани, воените заробеници на кои пред камери им беа сечени главите на живо, сите цивили што загинаа и гинат само затоа што се Украинци…

Мирот никогаш не може да се постигне ако агресорот се награди со отстапки и давање легитимитет на пропагандните наративи и „оправданија“ за војната. Патот кон мирот е поплочен со солидарност, поддршка на жртвата на агресија, со изведување на воените злосторници пред лицето на правдата и со одбрана на вредностите што го прават мирот одржлив: демократија, суверенитет и правда. Сè друго не е реализам, туку соучесништво.

Секој што предлага капитулација пред Путин, без оглед дали се крие зад „реализам“ или „нов почеток“, всушност, ја брани логиката на тиранија, геноцид и уништување.


Текстот е личен став на Авторот.

Академски гласови, пропагандно ехо: Како интелектуалците на Балканот шират проруски наративи

Print Friendly, PDF & Email
Share35Tweet22Send

НАЈЧИТАНИ 5

  • ИНФЛАЦИЈА ЗА СИТЕ – ПРОФИТ ЗА МАЛКУМИНА: Сите лица и наличја на српската и македонската олигархија

    128 shares
    Share 51 Tweet 32
  • Јаневска контра Мицкоски: Учебници има, па нема, ама ќе има…

    101 shares
    Share 40 Tweet 25
  • „Војводи“ нападнале средношколци во Тетово, двајца уапсени, полицијата трага по уште други напаѓачи

    94 shares
    Share 38 Tweet 24
  • Зависна независност

    94 shares
    Share 38 Tweet 24
  • ВМРО-ДПМНЕ добива своја „послушна“ банка, Србија – ново средство за влијание

    117 shares
    Share 47 Tweet 29
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ