ВЕСТ НА ДЕНОТ
Во предметот „Феникс“, првосомничен во случајот е поранешниот премиер Никола Груевски, второосомниочен е ексвицепремиерот и министер за финансии во неговата влада Зоран Ставрески, а на листата се и поранершната министерка за култура Елизабета Канческа –Милевска, двајца поранешни градоначалници на општина Центар – Владимир Тодоровиќ и Виолета Аларова и поранешниот претседател на Советот на Општина Центар Владимир Здравев. Меѓу осомничените е и еден државјанин на Италија и три италијански фирми.
Кривичните дела на кои се однесува оваа истрага се злоупотреба на службената положба и овластување и перење пари. Обвинителот Љубомир Лапе денеска презентираше детали за случајот при што рече дека „Скопје 2014“ е сложен предмет, а оваа истрага се однесува само на 11 споменици меѓу кои фонтаната со „Воинот на коњ“ на плоштадот „Македонија“. Меѓу останатите споменици се и „Цар Самуил“, „Никола Карев“, споменикот АСНОМ, Лавовите на мостот Гоце Делчев и други.
ИЗЈАВА НА ДЕНОТ
„Управата за финансиска полиција, Управата за јавни приходи, Централниот регистар и Финансовата полиција треба да постапат во согласност со нивните надлежности во случајот со продажбата на деловната зграда „Соравија“, како што постапуваат за секој друг случај за кој што постои сомнеж. Дали некој на 24 години се стекнал со сопственост тоа е нешто не е поврзано со годините, меѓутоа начинот на кој што кој било се стекнал со сопстевност, доколку постои сомнеж за тоа, а вие имате сомнеж, тоа се проверува институционално. При ваква трансакција Управата за финансиско разузнавање е обрзана да го провери текот на парите исто како и за сите други трансакции со вакви износи. Сите трансакции на фирмите кои се вклучени во ваква аквизиција се проверуваат во УЈП и во Централниот регистар за да се провери плаќањето на соодветените даноци. Исто така треба и УЈП и Централниот регистар соодветно да постапат при една ваква трансакција“, изјави денеска премиерот Димитар Ковачевски во Собранието, одговарајќи на пратенички прашања.
ВОЈНА ПРОТИВ УКРАИНА
Платеничката војска Вагнер на Евгениј Пригожин продолжува да регрутира борци низ Русија и по воениот бунт што беше организиран во саботата, пишува Би-би-си. Новинари на Би-би-си од руски број се јавиле во регрутните центри на Вагнер низ Русија, а тамошни вработени потврдиле дека истите работат нормално.
*
Претседателот на Украина, Володимир Зеленски разговараше со шведската активистка за заштита на животната средина, Грета Тунберг за штетата по животната средина која ја предизвика војната на Русија против таа држава.
AL-PRESS
Редакциски избор од албански медиуми: Косово прогласи две српски организации за терористички; САД реагира за некоординираност; Курти излезе со осум предлози за надминување на ситуацијата
ФЛЕШ ВЕСТИ
УСТАВНИ ИЗМЕНИ Постапката за уставни измени ќе влезе во Собрание за 10 до 15 дена, од СДСМ оптимисти дека ќе биде отворен Уставот
МВР Полициски службеници од Одделот за сузбивање на организиран и сериозен криминал вчера во Скопје уапсиле пет лица за злоупотреба на службена должност и за перење пари.
ГРАД СКОПЈЕ Разрешен е в.д директорот на скопското јавно претпријатие „Улици и патишта“, Саид Саид, а на негово место сега за нов в.д директор е назначен Ќамил Ковачи. Оваа информација попладнево ја соопшти Град Скопје.
АНАЛИЗИ
Иако има информации дека руската парамилитарна група „Вагнер“ дејствува во регионот, има база во Белград и дејствува во северниот дел на Косово, но и во Северна Македонија, сепак, властите и безбедносните експерти велат дека нашата земја, сега, како членка на НАТО, не е изложена на ризик..
Повеќе во анализата на Дестан Јонузи „Може ли „готвачот на Путин“ од „Вагнер“ да го загрози мирот во Северна Македонија и во регионот?!“
СЛОБОДНА ЗОНА
„Така вчера сведочевме на собир пред МПЦ заради поводот против „законот за родова рамноправност“, така што, во „свеста на конзервите“ ќе се редефинирало семејството помеѓу мажот и жената (каква гадна лага и претенциозност!), а во суштина тоа беше протест за промена на Европскиот пат (и она кое тој европски пат го симболизира) и ненормално-досадното „време е за предвремени избори“. Од друга страна, денес трагедијата во оваа земја е тaa што стана толку очигледно во актуелниот момент, а тоа е што средновековни прашањата се трансфер кој во најголема мера може да ја мобилизира македонската јавност“, пишува Ненад Јовановиќ во „Зошто МПЦ мобилизира јавност на средновековни прашања?“
Подготви: Б. Јордановска
