Државната изборна комисија објави листа на акредитирани домашни и странски набљудувачи, вклучувајќи ги акредитираните странски новинари и преведувачи.
За Локалните избори 2017, вкупно 4.804 набљудувачи ќе го набљудуваат изборниот процес, вкупно 339 странски набљудувачи, 280 преведувачи и 3 новинари.
Освен ЦИВИЛ, со 191 набљудувач, на листата на домашни набљудувачи се и „Мост“ со 2.727 набљудувачи, МЦКР со 6 набљудувачи, „Синергија“ со половина од минатата година – 1.737 набљудувачи, а со добра бројка на набљудувачи ќе мониторира и Институтот за економски стратегии и меѓународни односи од Скопје.
Што се однесува до странските набљудувачи, со најмногу акредитирани набљудувачи се ОБСЕ/ОДИХР –Мисија за набљудување избори со вкупно 198 набљудувачи и со 144 преведувачи.
ОДИХР ги набљудуваше и изборите во 2013, а со оглед дека е реткост во нивната методологија на следење избори, да набљудуваат локални избори, индикативно е што се одлучиле на ваков чекор.
Од другите странски набљудувачи, на листата на Меѓународна фондација за изборни системи – канцеларија на Република Македонија ИФЕС се: Канцеларијата на НАТО за врски Скопје, Комисија за изборни жалби и приговори (ЕСАР) од Косово, како и амбасадите на САД, Шведска, Франција, Делегацијата на ЕУ, а со свои набљудувачи ќе биде присутен и Меѓународниот студиски центар за избори.
Свои новинари на денот на изборите ќе имаат Руската информативна агенција – ТАСС и Агенцијата за вести КосоваПрес.
