Васко Ковачевски ја напушта функцијата генерален директор на АД ЕСМ.
Тој денеска за Телевизија 24 потврди дека ја депонирал оставката до премиерот Димитар Ковачевски, а на негово место ќе дојде Васко Стефанов.
Ова на прес-конференција го потврди и премиерот Димитар Ковечевски кој рече дека оставката на Васко Ковачевски е од лични причини.
Тој додаде дека оставката на директорот на АД ЕСМ била донесена од поодамна, уште пред кризата, но поради потребата за успешно менаџирање на енергетската криза било одлучено раководтството да остане на функција.
Досегашниот директор на ЕСМ, Ковачевски, во одговор на новинарско прашање рече дека е вработен во АД ЕСМ, покрај тоа што беше назначен за претседател на УО и за генерален директор.
„Прво ќе го земам одморот од 20 дена кој што ми следува, а потоа по проценка на новиот менаџмент на ЕСМ, на министрите и на Владата ќе процениме каде и какво ќе биде моето место во компанијата. Она што јас го протежирам, е да се посветам на семејството, односно на моите две деца кои што имаат потреба од мене за иден раст и развој, односно за образование и успешно менаџирање во приватниот бизнис“, рече Васко Ковачевски, кој заедно со премиерот Димитар Ковачевски денска на заедничка прес-конференција го презентираа годишниот извештај на АД ЕСМ за 2022 година.
Наследникот на Васко Ковачевски на позицијата генерален директор на АД ЕСМ, Васко Стефанов доаѓа од местото прв човек на Пошти, а пред тоа на Водостопанство.
