Директни, жестоки и голи, ФЕМЕН храбро повикува на протест со единственото оружје доволно да ја открие вистината за машкиот свет: Градите.
Кои се всушност ФЕМЕН?
ФЕМЕН е меѓународно женско движење чии активистки секоја акција ја спроведуваат топлес, насликани со слогани и крунисани со цвеќиња.
Зошто разголени?
Затоа што активистките сметаат дека голиот напад е приказ на новата естетика на женската револуција, начин жестоко да се удри по патријархалниот поредок и да се надмине историскиот конфликт жена-систем.
Нивната мисија е протест, нивното оружје се голите гради, нивната примарна цел е победа над патријархатот.
Зошто патријархатот, затоа што го сметаат за последна форма на ропство. Според активистките од ФЕМЕН, тој е агресивен, нехуман, промовира диктатура, а зад кулисите се крие сексуалната индустрија под закрила на црквата.
Идејата на ФЕМЕН е да се промовира нова револуционерна женска сексуалност, наспроти патријархалната еротика и порнографија и да се активираат жените во борбата за своите права.
Преку слоганот: „Моето тело е моето оружје!“ ФЕМЕН бараат непосредно политичко депонирање на сите диктаторски режими кои ги практикуваат сите форми садизам во однос на жените, целосно искоренување на проституцијата како исклучителна форма на експлоатација на жените и признавање дека сексуалната индустрија е најстариот и долгорочен геноцид против жените, целосно одделување на црквата од државата и забрана на каква било интервенција на верските институции во граѓанскиот, половиот и репродуктивниот живот на современите жени.
Нивниот начин на делување е секстремизмоте преку акции што ќе влијаат на уништување на патријархалното разбирање на тоа што е дестинација на женската сексуалност во корист на големата револуционерна мисија. Екстремната природа на секстремизмот има цел да покаже интелектуална, психолошка и физичка супериорност на активистките. Исто така, секстремизмот се дефинира како ненасилна, но многу агресивна форма на провокација, или како што велат од ФЕМЕН, деморализирање на оружјето што ги поткопува темелите на старата политичка етика и расипаната патријархална култура.
Меѓународното женско движење ФЕМЕН во моментот работи на легализација на националните FEMEN-групи ширум светот. ФЕМЕН е претставено од национални ограноци низ цела Европа. Активистките се обучуваат во центрите за обука во Украина и Франција.
Последната акција на ФЕМЕН беше на денот на гласање на изборите во Италија, кога со слоганот „Времето истече!“ активистка излезе пред Силвио Берлускони.
Б.Ј.
