Доналд Францишек Туск е полски политичар, ко-основач и претседател на полската политичка партија Граѓанска платформа. Во период од 2007 станува премиер на Полска, а во 2011 парламентарните избори повторно е избран за премиер. Во 2014 година станува претседател на Европскиот совет и повторно беше избран за истата функција во 2017.
Во изминатиот период Туск се залагаше за помош од Европа за Македонија, за справувањето со бегалската криза.
Денеска е во посета на Македонија заедно со седум претседатели и еден премиер, како гости на претседателот Ѓорге Иванов, кој е домаќин на состанокот на лидерите на земјите во Процесот Брдо-Бриони.
На заедничката прес конференција со премиерот на Република Македонија, Зоран Заев, Туск изјави дека почувствувал промена во политичкиот менталитет во Македонија и вистинска волја за придвижување на евроатлантската ингерација, како и дека воочува храбро лидерство насочено кон иднината. Препораката од ЕК е најдобар доказ дека напорите на Македонија импресионирале многумина во Европа, истакна меѓу другото претседателот на Европскиот совет Доналд Туск, на зедничката прес-конференција со премиерот Зоран Заев на која се обрати на македонски јазик. Туск изјави и дека нема подобро место од Скопје за да ја заврши балканската турнеја.
Според Туск, многу работи се промениле од 2015 година, во времето кога ја посетуваше Македонија во обид да се сопре приливот на мигранти. „Од тогаш, балканската рута е затворена и така треба да остане“, рече Туск.
Искажа благодарност на Македонија за запирањето на мигрантската рута, но и за поддршката за случајот Скрипал.
Процесот Брдо-Бриони се однесува на стабилизирање на состојбите во Западен Балкан со јакнење на регионалната соработка и европска интеграција на земјите од регионот.
Називот на иницијативата потекнува од земјите од каде потекнува идејата Хрватска и Словенија. Првата средба се одржува во 2013 меѓу претседателите на овие земји. Брдо во називот на иницијативата е поради првиот состанок на лидерите од регионот, а Бриони во чест на ко-организаторот и партнерот во иницијативата, Хрватска.
Б. Ј.