Демократската Унија за Интеграција (ДУИ) денеска во Градскиот парк свечено одбележа 19 години од формирањето на партијата. Свеченоста започна со уметничка програма, со изведба на свечена бина на која доминираше зелената боја, украсена со зелени балони.
Претседателот на Демократската унија за интеграција ги поздрави присутните на настанот на албански и македонски јазик. Мотото на настанот е #Заедно За зелена иднина. Ахмети на почетокот на својот говор истакна дека денешниот настан е на меѓународниот ден за животната средина, и всушност ја откри зелената агенда на партијата, во согласност со европската зелена агенда, на партијата, која всушност ја најавија со носење на зелени маици неколку дена пред настанот, најавувајќи дека ќе бидат лидери на политиките на зелената агенда. Настанот се пренесува во живо на официјалната Фејсбук страница на ДУИ.
-Денес, повредата на зелената агенда и загадувањето на животната средина, е закана за безбедноста, како што е корупцијата и организираниот криминал. Затоа, Владата, општините и сите наши институции треба дасе придружат, и ние се залагаме да бидеме регионални и европски лидери на политиките на зелената агенда. Добредојдовте во Демократската унија за интеграција на развојот и работните места преку зелената агенда, во Демократската унија за интеграција која освен што се грижи за еднаквоста, развојот евроатлантскиот дух, се грижи и за воздухот, земјата и водата, за заедничка животна средина како предуслови за квалитетен развој и живот, изјави меѓу другото Али Ахмети.
Интересно е што ДУИ досега речиси сите јавни настапи ги спроведувале внатре во границите на општина Чаир,и со денешниот настап покажуваат дека партијата се движи кон поинакво отворање кон јавноста.
Дијана Тахири
