Амнести Интернешенал објави сторија во која се опишува состојбата и проблемите со кои се соочуваат децата како последица од војната во Јемен.
Во сторијата се објаснува за едно мало девојче, од 5 години, кое ги изгубило сите свои браќа и сестри, и на кое му треба помош.
„Таа имаше 5 браќа и сестри со кои си играше. Сега нема никој“, објаснува чичкото на малото девојче.
Во нејзините 5 години, досега била сведок на секаков вид на насилство, она кое моќните луѓе и владите често сакаат да ги чуваат скриени. Нејзиното цело семејство било убиено на спиење, на 24-ти август. При нападот во населбата убиени се 16 цивили, вклучително и 7 деца, на возраст од 3 до 13 години.
Двегодишниот Сем Басим ал-Хамдани, исто така, ги изгубил и неговите родители во штрајковите, за кои коалицијата подоцна рече дека биле “случајни и ненамерни”.
Амнести Интернешенал повикува на помош, од донација, за овие деца. Тие велат дека мораат да ги заштитат децата од секакво повредување и страдање, и дека доколку тие, заедно со помош од луѓето, не се залагаат за заштита, кој ќе го стори тоа?
Амнести Интернешенал во неколку наврати ги документираше прекршувањата на меѓународните човекови права и хуманитарното право од страна на членовите на коалицијата за време на конфликтот, вклучително и против децата. Ова вклучуваше и воздушни напади врз училиштата и болниците, како и употребата на меѓународна забранета муниција која ги убива и осакатува децата.
„На одговорните не смее да им се дозволи отворено да ги игнорираат наодите на извештајот“, стои во сторијата.
А.Петровска
