Професорот на Универзитетот Џон Хопкинс во САД, Едвард П. Џозеф, во интервју за N1, запрашан за поддршката за Трамп од Србите и во Србија и во САД, вели дека тоа би било страшно и за Балканот и за САД.
„Мислам дека тоа би било страшно за нашата земја. Јас сум Американец, па тоа било страшно за мојата земја. И мислам дека тоа би било страшно за Европа во целина, а би било страшно и за Балканот. Предноста на Балканот е што е дел од Европа, која е опкружена со стабилност и просперитет, што долго време се одложува на Балканот бидејќи има нерешени прашања од распадот на Југославија. Со Доналд Трамп веднаш ќе го добиеме овој збор: Несигурност. Неизвесност“, нагласи тој.
На сите што мислат дека на Балканот ќе му биде супер, бидејќи „Трамп е на наша страна“, Џозеф им порача дека нема да биде така и дека ќе добијат само неизвесност.
„Одеднаш, посветеноста на Америка кон регионот и Европа, посветеноста на Америка кон НАТО ќе исчезне. Толку многу луѓе во Србија велат „Па, НАТО не бомбардираше…“ Запомнете го ова: Србите во Косово зависат од КФОР. Дури неодамна, под администрацијата на Трамп, имаше закани дека КФОР ќе биде отстранет од Косово. „Зошто би биле таму? Зошто да бидеме таму?’ Што би значело тоа за српските граѓани на Косово? Значи, тоа е само еден мал пример. Целите на граѓаните од регионот се да имаме нормални општества, продуктивни општества каде новинарите не се загрозени, каде опозицијата не е непријател, каде што луѓето ќе можат слободно да го изразат своето мислење. И сето тоа ќе биде изложено на ризик кога ќе ја имате најмоќната земја, одеднаш, со неизвесност каде се нејзините приоритети“, заклучи Едвард Џозеф.
М. Д.
