„ЕКОЗВОН преку проекти работи на едукација на учениците од основните училишта во општина Гази Баба на тема: „Не пластични кеси“. И според анкетата која и ја направивме по одржаните едукативни средби, населението што користи платнени торби се зголемува, што е само поттик да продолжиме во таа насока“, вели Слаѓана Стаменкова од ЕКОЗВОН за „Зелените доаѓаат 2020“ во организација на ЦИВИЛ.
Стаменкова вели дека преку проекти во соработка со Град Скопје работат и на едукација на ученици од средни училишта, од која ќе произлезе брошува која понатаму ќе ја користат сите поеднакво.
„Во врска со заштитата на животната средина и едукацијата ние како Здружение поднесовме иницијатива за воведување на предмет ЕКОЛОГИЈА во основното образование со 1 час неделно и 36 часа годишно уште во 2018 год. и историјатот на таа иницијатива подолу Ви го набројуваме:
– На 27.04.2018 год.- поднесовме едно барање со :Предлог за воведување на посебен предмет Екологија во основното образование до тогашната Министерка Рената Десковска.
– На 26.06.2018 год. исто такво барање со иста содржина упативме и до тогашниот Миинистер на МОН г-дин Арбен Адеми , и Ургенција за истото Барање на 13.11.2018 годОваа иницијативата ја доставиме и до сегашен актуелен Министер на МОН, со мала измена во иницијативата.
Имено за да недојде до преоптеретување на програмата за основно образование,бараме и предлагаме да се ревидира програмата Природни науки и техника каде постои дел – биологија. Во тој дел предлагаме да се вметнат поголем број на содржини за ЕКОЛОГИЈА, како што е на пример содржини за климатските промени и влијание на живиот свет на земјата,заштита на Озонската обвивка, селектирање на отпад, (АКТУЕЛНИ СОДРЖИНИ) кои со современи и креативни методи и техники на учење ќе се приближат овие теми до ученикот со што постапно и континуирано ќе се развива нивната еколошка свест“, истакна Стаменкова.
До Владата доставиле иницијатива, за НВО соработка, за намалување од штетните ефекти на бучавата врз здравјето на граѓаните.
„Иницијативата е прифатена од ресорното министерство за животна средина и ја предложи оваа иницијатива до Влада на РСМакедонија да биде дел од Програмата на владата за 2021 година.Ова е само мал дел од нашите активностите за подигање на свеста и совеста на граѓаните“, додава Стаменкова.
