Дезинформациите се шират на интернет шестпати побрзо од вистината, изјави денеска еврокомесарката за иновации, истражување, култура, образование и млади Марија Габриел кога ги промовираше упатствата за наставниците за дигитална писменост.
Таа се повика на студија според која 80 отсто од граѓаните на ЕУ ги гледаат лажните вести како предизвик за нивната земја и за демократијата. Според неа, податоците покажуваат дека половина од Европејците на возраст од 15 години не знаат како да разликуваат дезинформации. Таа посочи дека дезинформациите доведуваат до поделеност во општеството и носат порази.
Од рана возраст, младите треба да бидат способни критички да го оценат она што го гледаат на интернет. Потребата од наставници со релевантни способности е јасна. Се наоѓаме во време кога избувна војна на континентот, проследена со најголемата миграциска криза во модерната историја, енергетска криза, пандемијата се уште не е стивната. Ова доведе до бројни лажни тврдења на интернет, намерно создадени за да ги поткопаат нашите демократски основи и да ги доведат во прашање европските вредности, нагласи Габриел.
Young people are creative and curious citizens, but we must help them distinguish what is news and what is disinformation.
Today, we’ve published Guidelines for educators on how to spot disinformation and promote digital literacy in their classrooms.
Commissioner @GabrielMariya pic.twitter.com/xRDvcgofwC
— European Commission ?? (@EU_Commission) October 11, 2022
