Потрагата е во тек, откако лидерката на Демократскиот дом во Минесота, Мелиса Хортман, е убиена во „политички мотивиран“ напад. Полицијата го бара 57-годишниот Венс Боелтер, осомничениот за атентатот врз пратеничката и пукањето во други, пренесува Си-ен-ен.
Пратениците се цел на нападот: Хортман – демократка на највисоката позиција во Претставничкиот дом на Минесота – и нејзиниот сопруг беа застрелани во очигледно „политички мотивиран атентат“, рече гувернерот Тим Волц. Демократскиот државен сенатор Џон Хофман и неговата сопруга беа застрелани од истото лице, рече Волц. Двојката го преживеа нападот.
Осомничениот се претставил како полицаец: Маж облечен како полицаец излегол од домот на Хортман и пукал во полицијата пред да избега. Тој возел нешто што изгледало како полициски автомобил. Боелтер работел во безбедносните служби и бил обучуван во американската војска, според веб-страницата на неговата компанија.
Список на жртви: Полицијата во автомобилот на осомничениот пронашла список на жртви со речиси 70 имиња. Именуваните се претежно демократи или личности поврзани со правото на абортус, вклучувајќи и пратеници од Минесота, пратеничката Илхан Омар и сенаторката Тина Смит.
Д. Мишев
