Здружението на генерали на Босна и Херцеговина испрати писмо до генералниот секретар на НАТО, Марк Руте, по повод актуелните настани во земјата и нападот врз уставниот и правниот поредок пред неговото посета на БиХ.
Во писмото, кое го пренесува Радиосарајево.ба, тие го потсетуваат Руте дека, како генерален секретар на НАТО за прв пат доаѓа во главниот град на европска земја, која беше изложена на големо воено уништување, за прв пат по Втората светска војна за време на опсада која траеше 1.425 дена, во годината кога се одбележуваат 80 години од победата на антифашистичка Европа (чиј дел е и БиХ) и светот над фашизмот.
Во писмото, генералите ја нагласуваат долгорочната посветеност на Босна кон западните и НАТО вредности, осудувајќи ги обидите на Србија и Република Српска да ги гонат официјални лица на НАТО за нивните минати интервенции. Во писмото, тие ги обвинуваат српските лидери Александар Вучиќ и Милорад Додик, дека дејствуваат како прокси за Русија со цел да ја дестабилизираат БиХ, што и не го кријат, и сериозно го нарушуваат регионалниот мир и безбедност на Балканот со тоа што го водат овој регион во нов конфликт кој може да биде уште поопасен од руската агресија врз Украина.
Го повикуваат Руде да не ја прави грешката што ја направија меѓународната заедница, ЕУ и ОН, правејќи паралели со претходните грешки во потценувањето и справувањето со Слободан Милошевиќ.
Генералите ја потврдуваат својата подготвеност за соработка со НАТО за заеднички да се спротивстават на големите државни фашистички проекти „спакувани“ во „рускиот свет“ на Путин и во „српскиот свет“ на Вучиќ кои водат до нови конфликти.
На крајот од писмото, тие го предупредуваат Руте за плановите што се подготвуваат и веќе се спроведуваат за разбивање на државата БиХ и го потсетуваат дека се подготвени, како и досега, да го продолжат заедничкото партнерство и му посакуваат на генералниот секретар на НАТО добредојде во Босна и Херцеговина, во нашиот главен град на Босна и Херцеговина.
Драган Мишев
