Градоначалникот на Кавадарци Митко Јанчев деновиве е под канонада од вулгарни напади и сериозни закани од Емил Јакимовски, познат и под прекарот Гусарот. Откако во јавноста излезе информацијата за нападите врз новинарката Мери Јордановска, градоначалникот Јанчев, во знак на солидарност, ги споделил записите од заканите што деновиве ги добивал од Јакимовски, со Ненад Јовановиќ, колумнист на Слободен печат и граѓански активист, со цел тие да бидат испратени и објавени на нашата медиумска платформа.
Како што може да се забележи од фотографиите што ги приложи градоначалникот Јанчев, се гледа дека Емил Јакимовски му се заканува на Јанчев дека за неколку месеци ќе лежи во затвор, дека ќе му ги земат лиценците за работа на неговите компании.
„Тебе дента штом нема веќе да си градоначалник, јас ќе ти ги врзам лисичките на лоповските рачиња. Поздрав од Хонгконг. Ме пријави ли море или стварно ќе ми се фатиш за курот? Ко ќе се фатиш викај на сет глас: Узбунааа!“, е една од заканите што Емил Јакимовски му ги упатува на Митко Јанчев
Говорот на омраза и директните закани провејуваат во сите слајдови што ги добивме од градоначалникот Јанчев.
„Да немаш среќа ни еден момент во 2020 и да пропаднеш толку ниско и све да ти пропадне и лиценцата за вода да ти ја земеме! Емил новинарот од ВМРО!“ – му се заканува Емил Јакимовски на градоначалникот Митко Јанчев.
На еден друг слајд, прикажана е фотомонтажа од Зоран Заев без коса, и повторно следи закана од Емил Јакимовски до Јанчев: „И тебе вака ќе те шишаме…“
Материјалот кој беше споделен со нашата Редакција е ужасно непристоен и преполн со говор на омраза.
Ни другар ти Мицко више нејќе да те спасува. Јас лично ќе те ебам и ќе лежиш затвор 6 години. У најава. Ти ќе ми се закануваш? Е сега ќе го јадеш. Гукни бе пичко смрдена. Ти ли бе копиле ќе палиш коли на Вмровци, куртону еден. Ја ќе ти ја земам лиценцата и за Синалко, директно од Германија ко што им ја земавме у време на Лјубчо на АДА Штип. А за водата Ѕинго стои позади мене и тоа ти го зимаме. За леб ќе трпиш за два месеци, ја ти ветувам!
Во една од пораките, Јакимовски открива едно убедување што веќе е раширено меѓу поддржувачите на оваа клика што сее омраза и закани.
#Куртону
Ајде бе пичко нели ќе ме пријавиш у полиција дека сум ти се јавувал како новинар. Ама курац сеа полицијата е наша, а ти ќе го јадеш курот.
Со споделувањето на оваа комуникација, како што истакна градоначалникот Митко Јанчев во изјава за ЦИВИЛ, тој ја изразува својата солидарност и поддршка за новинарката Мери Јордановска и за сите што се мета на говорот на омразата.
Јане Ѓорѓиоски
во соработка со:
Џабир Дерала
