На крајот на работната недела, најчесто поставуваме прашање со кое се отвора простор да се истакнат темите и случаите што најмногу ги засегнуваат луѓето. Затоа овој формат го нарекуваме ПРАШАЊЕ НА ДЕНОТ / ГРАЃАНСКИ ФОРУМ:
Која е вашата порака, барање или прашање до политичарите?
Продолжете со читање под оваа порака 👇
Секој работен ден поставуваме актуелни прашања на кои пристигнуваат бројни одговори — најчесто десетици, често и стотици, а во неколку случаи и околу илјада луѓе го дадоа својот коментар. Тоа е сила што не може да се занемари. И не смее да се игнорира.
Граѓанките и граѓаните одговараат гласно и јасно. Секоја недела, особено во Граѓанскиот форум во петок, коментарите откриваат гнев и разочараност од нефункционалните институции, празните ветувања и последиците од лошото владеење на политичкиот крем во земјата — без оглед на партиските бои.
НЕ Е ЗАЛУДНО
Ова што го правиме заедно со граѓанките и граѓаните со години — не е залудно. Критиката е важна. Но уште посилни се конкретните прашања. Тие не може да се игнорираат.
Прашањата бараат одговор и отвораат врата за позитивни промени.
Одговорите на овие прашања не остануваат само на Фејсбук. Тие се насочуваат и кон надлежните институции и носителите на одговорност за благосостојбата на граѓаните и државата.
ИГНОРИРАЊЕТО Е ИСТО ТАКА ОДГОВОР
Иако понекогаш изгледа поинаку, секое прашање е чекор кон одговорите и решенијата на проблемите.
Игнорирањето на прашањата — без оглед дали ги поставуваат новинарите или граѓаните — исто така е одговор. Лош, но сепак одговор.
Опишете што се случува. Ако сте загрижени за евентуална одмазда, не мора да објавите јавно — испратете директна порака до ЦИВИЛ и редакцијата. Знаете дека ЦИВИЛ максимално ги штити приватните податоци на оние што пријавуваат кршење на човековите права и слободи.
Секој ден, Прашањето на денот е повик до властите, институциите и политичарите — без оглед на партиската припадност. Сите што се во политиката презеле обврска да се грижат за граѓанките и граѓаните.
Затоа, побарајте ги одговорите — без да чекате „вистински момент“.
Секое време е вистинско време за прашања.
Коментирајте, прашувајте, посочете. Дајте пример, споделете искуство. Побарајте одговор.
Ние сме тука — заедно со вас, веќе 26 години.
ЦИВИЛ – Центар за слобода
