И на минатиот редовен петочен граѓански форум, граѓаните испратија јасни пораки до властите, продолжија со повиците за сузбивање на корупцијата, повторно побараа од властите да си заминат. Не изостанаа ниту постојаните повиците до властите да работат за граѓаните, како и многу други пораки што ќе ги прочитате во продолжение.
ГРАЃАНСКИ ФОРУМ (ПРАШАЊЕ НА ДЕНОТ): Што сакате да им порачате на властите?
Што им порачаа граѓаните на властите минатиот петок, на граѓанскиот форум на Цивил Медиа?
-Деблокирање на европскиот интеграциски процес
– Влез во ЕУ заедно со Р.Албанија
Граѓаните бараат од властите да се сузбие руско-српското влијание во земјата, да се преземат конкретни мерки за скандирањата на спортските натпревари, да се одземат „украдените“ имоти.
Меѓу пораките се најде и една во која се бара сузбивање на „албанскиот радикализам и сепаратизам“ во Македонија.
Граѓаните бараат чесни судии, некорумпирани политичари, да работат повеќе за народот а помалку за своите џебови.
Секоја главна улица да има банкини, будејќи банкините штитат од поплави и земјотреси, порача еден од нашите читатели.
Да има мирни и фер избори, граѓаните да избираат без сугестии и ветувања, политичарите да не си ги мерат силите туку разумот, гласи една од пораките.
Секако, не изостанаа ниту пораките да си заминат, што побргу, и дека главната порака политичарите ќе ја добијат на изборите во октомври.
Пораките од петочниот граѓански форум можете да ги проследите на линкот во продолжение.
Целта на петочниот Граѓански форум на ЦИВИЛ е да им се обезбеди на граѓанките и граѓаните безбеден и слободен простор ( каков што впрочем со години е ЦИВИЛ) во кој тие ги изразуваат своите грижи, споделуваат искуства и им порачуваат на властите каде можат да се поправат, каде им се грешките, да прашаат за решенија на евентуални горливи проблеми, а во исто време тие пораки и сугестии да бидат јавни, и неподложни на цензура или прикривање.
Редакцијата на ЦивилМедиа е отворена за граѓанките и граѓаните не само во петок, туку и секој ден од неделата, да споделат свои пораки, прашања, грижи и искуства, било во коментари или во пораки, и им заблагодарува за довербата, отвореноста и директниот настап. Ве очекуваме секој ден, а во специјализиран простор – секој петок во Граѓанскиот форум.
Сите прашања на денот може да се најдат во рубриката ФОРУМ на интернет весникот ЦивилМедиа.
Подготви: Д. Т.
