Независниот веб портал 24.hu јавува дека Никола Груевски се стекнал со право да гласа на локалните избори во Унгарија в недела. Тој се наоѓа на Избирачкиот список во петтиот дистрикт на главниот град на државата во која доби азил благодарение на неговиот пријател, премиерот Виктор Орбан.
„Гласач со име Никола Груевски е на Избирачкиот список. Името на гласачот, како и возраста, 49 години, се совпаѓаат со оние на поранешниот македонски премиер кој побегна од затворска казна во Унгарија, каде што му беше одобрен азил“ – се вели во текстот објавен пред неколку часа. Според изворите на порталот, овој нов гласач во Избирачкиот список има легитимација од Петтиот дистрикт, но без адреса.
Понатаму, се објавуваат општо познатите информации за неговото владеење и причината поради која тој доби затворска казна, но побегна од земјата со помош на унгарските дипломати, како што се наведува во текстот.
Unhack Democracy Europe, унгарска организација која го застапува интегритетот на гласачите и се залага за слободни избори во Унгарија, го тагна ЦИВИЛ и го сврте вниманието кон оваа информација. Тие на својот официјален Твитер профил напишаа: „Бегалецот #Груевски, поранешен премиер на Северна Македонија, познат по корупцијата и изборните кражби, има право на глас на унгарските локални избори в недела…“
ЦИВИЛ, како организација за човекови права и слободи, ги поддржува напорите за јакнење на гласачкото право како едно од фундаменталните човекови права. Веќе подолго време, од Унгарија доаѓаат загрижувачки извештаи за манипулации и кршење на гласачкото право за време на изборните процеси. Организациите за човекови права и слободните медиуми постојано известуваат за тоа дека премиерот Орбан спроведува политики и практики слични на оние што неговиот пријател Груевски ги спроведуваше во периодот на своето режимско владеење од 2006 до 2016 година.
Џ. Дерала
Fugitive #NikolaGruevski, former PM of #NorthMacedonia known for corruption & #electionfraud is eligible to vote in #Hungary's local elections on Sunday in #Budapest's affluent 5th district thanks to his refugee status granted by PM #Orban @CivilMacedonia https://t.co/lbDQjFem9I
— Unhack Democracy Europe (@unhackdemeu) October 11, 2019
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон.
Со преземање на било која содржина објавена на ЦИВИЛ Медиа, спротивно на Условите, се согласувате на ЦИВИЛ да му исплатите надоместок од 25.000 денари во рок од осум дена по преземањето на содржината. Оваа обврска не застарува, а за секое доцнење на исплатата ќе биде пресметана соодветна законска камата.
Доколку некоја содржина е потпишана со ЦИВИЛ Тим за комуникации, тогаш преземањето е дозволено во целост.
