Платформата на социјалните мрежи Х, поранешен Твитер, пред компанијата да ја преземе контроверзниот бизнисмен Илон Маск, денес привремено ја суспендираше сметката на Јулија Навалнаја, вдовицата на починатиот руски опозициски политичар Алексеј Навални, без да наведе причина.
Кога корисниците на Х се обидуваа да пристапат до сметката, добиваа порака во која се вели:
„Сметката е суспендирана. X суспендира сметки што ги прекршуваат правилата X“.
⚡️X suspended Yulia Navalnaya’s account, which she created after the death of her husband, allegedly for violating the platform’s rules. pic.twitter.com/eY51csvWgj
— NEXTA (@nexta_tv) February 20, 2024
Сепак, по помалку од еден час откако беше суспендирана, сметката беше повторно активирана без никакво објаснување. Таа го креирала профилот на 19 февруари, три дена по смртта на нејзиниот сопруг за време на учеството на состанокот на министрите за надворешни работи на ЕУ во Брисел.
Првата објава на Навалнаја на новоотворената сметка на Х беше видео во која таа вели дека ќе ја продолжи работата на нејзиниот сопруг за откривање на корупцијата во Русија.
„Ќе ја продолжам работата на Алексеј Навални. Ќе продолжам за нашата земја, со вас. И ве повикувам сите да бидете со мене… Не е срамота да се направи малку, срамота е да не се прави ништо, срамота е да дозволите да ве исплашат“, рече Јулија Навалнаја.
Драган Мишев
