Иран и Израел разменуваат ракетни напади додека беснее конфликтот, се зголемуваат пријавените жртви и штети на двете страни

Бројот на жртви од иранските напади врз Израел во текот на ноќта кон неделата се искачи на 10. Ова се додава на трите лица претходно убиени во Израел и најмалку 78 убиени во Иран за време на неодамнешното разгорување на непријателствата, како што објавија властите во секоја земја, пренесува Си-ен-ен.

Се очекува операцијата на Израел против Иран да трае „недели, а не денови“ и се одвива со имплицитно одобрение од САД, според Белата куќа и израелските претставници. Израелскиот премиер Бенјамин Нетанјаху предупреди во видео обраќање во саботата дека Израел ќе „нападне секоја локација и секоја цел на режимот на ајатолахот“. Иран се закани дека ќе ги интензивира своите напади ако Израел продолжи со непријателствата.

Израелските воздухопловни сили извршија „обемна серија напади базирани на разузнавање“ врз голем број цели во Техеран, вклучувајќи го и седиштето на иранското Министерство за одбрана, соопшти израелската војска. Иранската новинска агенција Тасним претходно објави дека нападот предизвикал мала штета на една од административните згради на министерството.

Иран соопшти дека израелските напади биле насочени кон полето за природен гас Јужен Парс – најголемото во светот – и нафтено складиште Шахран. Видеата од Техеран покажуваат голем оган како гори и чад што се издига во далечината.

Следната рунда нуклеарни преговори меѓу САД и Иран, што требаше да се одржи во Оман овој викенд, е откажана, изјави министерот за надворешни работи на Оман. Неговиот ирански колега, Абас Арагчи, претходно изјави дека таквите разговори се „неоправдани“ додека нападите на Израел продолжуваат.

Американскиот претседател Доналд Трамп вели дека САД немаат никаква врска со најновите израелски напади врз Иран, но додава дека „лесно“ може да се постигне договор меѓу Иран и Израел, пренесува Би-би-си.

Иранскиот претседател Масуд Пезешкијан се заканува со „построг“ одговор ако Израел не се повлече,

Д. Мишев