ВЕСТ НА ДЕНОТ: Фирмите што ја присвоија државната помош, почнаа да исплаќаат
Под притисок на јавноста, Владата најави дека на својата веб-страница ќе ги објави имињата на фирмите што примиле финансиска помош, не им ја исплатиле, а им биле ветени на работниците. ЦИВИЛ најостро ја осуди злоупотребата на државната помош на сметка на работниците.
„ЦИВИЛ најостро ги осудува противзаконските и нехумани постапки на работодавачите кои примиле финансиска помош од државата и наместо да им дадат плати на своите вработени, тие ги задржале парите за себе. Тоа е незамисливо срамно и крајно неприфатливо однесување, кое мора веднаш да биде санкционирано“ – се вели во соопштението на ЦИВИЛ.
ЦИВИЛ разоткри лажна вест за составот на владата: немало и нема да има преговори за двајца премиери.
Конститутивната седница на новиот парламентарен состав ќе се одржи во вторник на пладне под посебни протоколи поради коронавирусот и во друга собраниска сала – Голема купола.
Денеска Фејсбук објави дека заедно со Фондацијата Метаморфозис и Вистиномер ќе започне со работа на програма за проверка на факти од трети страни во Северна Македонија.
Полицијата по добиени сознанија околу активностите за изградба на водоснабителен систем во тетовското село Синичане, целта обезбедување јавен ред и мир.
Комисијата за заразни болести прифатила да го разгледа барањето на Независната угостителска комора и на Здружението на естрадни уметници за укинување на забраната за организирање музички настани во угостителските објекти и да дозволи настап на естрадни уметници во угостителските објекти.
Во последните 24 часа регистрирани се 119 нови случаи со Ковид-19, починати 4 и 89 оздравени пациенти.
УНИЦЕФ: Ковид 19 ја засили детската сиромаштија во земјава.
ЦИВИЛНИ АКТИВНОСТИ
ЦИВИЛ најостро ја осудува злоупотребата на државната помош на сметка на работниците
ЦИВИЛ најостро ja осудува противзаконските и нехумани постапки на работодавачите кои примиле финансиска помош од државата и – наместо да им дадат плати на своите вработени – тие ги задржале парите за себе. Тоа е незамисливо срамно и крајно неприфатливо однесување кое мора веднаш да биде санкционирано.
Токму во духот на солидарноста, ЦИВИЛ апелира до сите граѓанки и граѓани кои ќе го слават Курбан Бајрам, максимално да се придржуваат кон мерките за заштита од коронавирусот, односно да се избегнуваат блиски контакти (ракување и гушкање) и да се редуцираат посетите во домовите, кои се традиција за празникот.
СЛОБОДНА ЗОНА
„Го гледам некни скромниот протест на Алијансата и Алтернативата, низ главните улици на Скопје, по повод „изборните крадења“ на ДУИ. Во дефилето гордо размавтани десетици албански бајраци, меѓу нив и повеќе европски и американски, но ниту едно македонско државно знаме“, пишува Сашо Орданоски во колумната „Брисел не му верува на етно-фолклорот“.
„Македонија не е демократска држава. Не беше демократска како Република Македонија, не е демократска ниту како Република Северна Македонија. Ниту една владејачка структура до сега немаше капацитети да ги воспостави темелите на демократијата во државата“, пишуваа Мирјана Најчевска во колумната „За демократијата, големата манипулација и чоколадната обланда“.
Ангела Петровска