пишува: ПЕТРИТ САРАЧИНИ
Гледам шути ботови на десанка и леванка стокмиле списоци на „шути и рогати Шарени“, прозиваат, шират по портали, Фејсбук Твитер. Од десетици безимени профили и пејџови, тргна одново цела хајка кон Шарената револуција, кон новинари, граѓански активисти, интелектуалци… кои воопшто не се ниту партиски членови, ниту се во изборната кампања! Во препознатлив стил, денес добивме поплава од фотографии со навреди, а под нив лавина коментари со говор на омраза.
Бидејќи си ја видов фотографијата (пак, по којзнае кој пат), и повторно гневот оркестрирано, не само на ботовите на мвро и сателитите, туку и на дел од „критичката јавност“ се насочува кон „ухлебените“ меѓу кои ме посочуваат и мене, чувствувам за потреба да ви кажам нешто, вака, „меѓу рогови“.
Откога се „ухлебив“, лепотани мои, успеав да потрошам половина од мојата животна заштеда. Би можел да работам за многу повеќе, но 3 години работев за барем двојно помалку од тоа што сум заработувал претходни 2 и кусур децении во мојот живот.
И знам дека не сум сам. Но, на оние што живеат со други вредности, им звучи неверојатно. На шутите им боде очи тоа. И се фрлени во хајка. Дел од „критичката јавност“ молчи, дел аплаудира. Фројдовска проекција и булинг до максимум.
Фрустрацијата на шутите безимени ботови и промашени луѓе од луѓето со име, истакнати во своите професии но и со различни политички определби и ставови, не е случајна. Тие беа дел од револуција на вредности, што го порази режимот и нивниот вредносен систем. Тој пораз боли, а списоците и плуканиците се признание за сите тие луѓе и за нивниот придонес во поразот на груевизмот.
Таков вредносен систем е канцер за секое здраво општество. Оти нема ништо во него, освен насилство и омраза. Во минатото, секогаш сме победувале над омразата и поделбите. Пак ќе ги победиме!?
#AluminiumOverMaximum
#NieSmeLudaci