• Latest

(ИЗБОР) Албански медиуми: Италија бара да се смени договорот со Албанија за мигрантите; Велика Британија размислува за извоз на оружје во Косово; Постизборни дилеми – како да се претвори поразот во победа

February 10, 2025

Говор на омраза и сексизам кон кандидатка за советничка на ВМРО-ДПМНЕ, ЦИВИЛ со осуда

October 1, 2025
Фото: Амбасада на САД во Северна Македонија/ Фејсбук

Поради затворањето на американската влада, Фејсбук сметката на амбасадата на САД нема да се ажурира регуларно

October 1, 2025
Џелал Незири
Фото: Ариан Мехмети, ЦИВИЛ

Незири во интервју за ЦИВИЛ за клучните геополитички и локални предизвици – остро и директно

October 1, 2025
фото: Фејсбук на Изет Меџити

Меџити: Османи доктор на Тик-Ток, ама не за Чаир – ДУИ ја продаде каузата на Албанците за српски банки и казина

October 1, 2025
Фото: Скриншот од видео на DawnNews English

Италијанската премиерка ѝ наложи на флотилата за помош за Газа да запре или ризикува да стане изговор за спречување на мирот

October 1, 2025

Ден на бранителите и бранителките на Украина

October 1, 2025

Народен правобранител: Бесплатна телефонска линија за пријавување повреда на избирачкото право за локалните избори

October 1, 2025

„Неслушнатите 12 милиони“ – Советот на Европа со повик за акција за правата на Ромите и Патниците

October 1, 2025
Фотографија: МВР

Од 12 октомври нов систем за влез/излез од ЕУ: За што сè треба да се подготват патниците

October 1, 2025
Пожар избувна во рафинеријата за нафта Ново-Јарославски во рускиот град Јарослав на 1 октомври 2025 година. Фото: Руски Телеграм канал Астра

Пожар избувна во голема руска рафинерија за нафта во Јарослав по наводен инцидент „предизвикан од човек“

October 1, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ДНЕВНИК AL-PRESS

(ИЗБОР) Албански медиуми: Италија бара да се смени договорот со Албанија за мигрантите; Велика Британија размислува за извоз на оружје во Косово; Постизборни дилеми – како да се претвори поразот во победа

February 10, 2025 13:01
in AL-PRESS, ВЕСТИ, МЕДИУМИ, РЕГИОН, ТОП 5
Share on FacebookShare on Twitter

Во денешното издание на АЛ-Прес, редакцијата на ЦИВИЛ Медиа одбра неколку содржини од албанските медиуми во регионот.

Во Албанија еден од најглавните наслови е најавата на италијанскиот министер за ЕУ, Томазо Фоти, за промена на договорот за имигрантите  со Албанија, со кој овластувањата би се префрлиле на Тирана.

Во Косово, освен резултатите од вчерашните парламентарни избори, ја одбравме и веста за иницијативата во најава на Британското Министерство за одбрана за потенцијалниот одбранбен извоз во Косово.

Во продолжение се поместени сите содржини од редакцискиот избор на ЦИВИЛ Медиа од албанските медиуми во регионот.

АЛБАНИЈА 

РТШ: Италија бара  да се смени договорот за имигрантите, надлежностите да преминат на Тирана

Италијанската влада е решена да не ги суспендира договорите со Тирана за имигрантите и поради оваа причина се чини дека подготвува нов декрет со кој овластувањата на прифатните центри во Ѓадер и Шенѓин ќе ги префрли на јурисдикција на Тирана. Сето ова по се изгледа го прави владата на Мелони за да избегне одлуките на Судот во Рим да не го отфрлат престојот на имигрантите и кампот Ѓадри да не остане празен со месеци, пренесува РТШ.

Ова го најави министерот за ЕУ, Томазо Фоти, кој рече дека ќе се види дали Владата ќе интервенира со нова законска уредба „пред одлуката на Европскиот суд на правдата, која може да пристигне најрано до март, кој се очекува да се состане на 25 февруари“.

Во потрага по начин, по три последователни одбивања на притворања на имигранти од страна на судиите за имиграција и Апелациониот суд, владата смета дека центрите може да се управуваат од Тирана, а не од Рим како досега.

Балкан веб- Бериша: Главниот архитект на триумфот на Трамп ќе ја води нашата кампања за победа на изборите на 11 мај

Шефот на Демократската Партија Сали Бериша денеска го претстави шефот на кампањата на Демократската партија, кој е Кристофер Лацивита, кој претходно ја водеше кампањата на Доналд Трамп во САД.

Бериша најави  дека ЛаЦивита ќе ја води кампањата на ПД кон победа на изборите на 11 мај, пренесе Балкан веб.

КОСОВО

РТК: Британија размислува за извоз на оружје на Косово

Британското Министерство за одбрана го истражува потенцијалниот одбранбен извоз во Косово, земајќи ги предвид потенцијалните придобивки што тоа би ги донело, и за безбедноста на Косово и за одбранбената индустрија на ОК, пренесе РТК .

Репортери: Пребројани се 90,13% гласови: ВВ прва со 41%, ПДК втора со 22,37%, ЛДК трета со 17,57%

Движењето Ветевендосје води со 41 отсто од гласовите по пребројувањето на 90,13 отсто од гласовите или 2 илјади 283 кутии од вкупно 2 илјади 533 кутии, покажуваат најновите податоци на Централната изборна комисија ажурирани во 11:07 часот, пренесе Репортери.

На второ место е ПДК со 22,37%, ЛДК трето со 17,57%, а ААК 7,56%.

Додека коалицијата Листа за семејство доби 2,30%.

Бота сот- АГК: Ги повикуваме партиите да не ги попречуваат новинарите во извршувањето на нивните работни задачи

Здружението на новинари на Косово ги повика партиите вклучени во изборниот процес да не ги попречуваат новинарите да известуваат.

Ги повикуваме сите страни да не ги спречуваат новинарите во извршувањето на нивните професионални должности, како и органите на прогонот да гарантираат безбедна средина за нивната работа“, се вели во нивната реакција, пренесе  Бота Сот.

КОЛУМНА

Коха: „Постизборни дилеми. Како поразот да се претвори во победа“

„Ако се оцени врз основа на очекувањата и намерите искажани во кампањата, сите политички партии загубија. Затоа се што беше кажано во текот на кампањата повеќе не важи. Сега политичките партии мора да го претворат поразот во победа со собирање на потребните гласови за создавање на влада. Дури и ВВ од една страна, а другите три партии заедно од друга страна, можат да направат мнозинство само со гласовите на малцинствата. Затоа по овие избори се очекува поголема тежина да имаат пратениците од малцинството.“, посочува авторот Аугустин Палокај во неговото писание ден по изборите во Косово.

Тој се осврнува на начинот на формирање нова влада, кој ќе биде посебен предизвик за партиите учеснички во изборите.

„Така, сега фокусот ќе биде на тоа како резултатите од изборите ќе се преточат во процесот на формирање влада. ВВ треба прва да го добие мандатот за да се обиде да создаде мнозинство. Ако не успее, ако докаже дека капацитетот за градење коалиции не е доволен, тогаш треба да преземе друга партија. Во нормалните земји преговорите за формирање влада траат неколку месеци, во Белгија на пример владата беше формирана пред една недела и тоа по повеќе од осум месеци дискусии. И не помина толку долго откако Белгија ја формираше владата по речиси две години. Од развиените земји и општества имаме и примери како веќе не важи кажаното во кампањата и дека идеолошките разлики не се нужно пречка за коалицирање.“, пишува Авторот Аугустин Палокај во колумната „Постизборни дилеми. Како поразот да се претвори во победа“, објавена во косовскиот дневник Коха.

Пподготви: Д. Тахири

Print Friendly, PDF & Email
Share33Tweet21Send

НАЈЧИТАНИ 5

  • РУСКО ПИСМО: „Мајдан“ како закана – кремљовско предупредување до Белград и Брисел

    135 shares
    Share 54 Tweet 34
  • Говор на омраза и сексизам кон кандидатка за советничка на ВМРО-ДПМНЕ, ЦИВИЛ со осуда

    111 shares
    Share 44 Tweet 28
  • Сиљановска-Давкова: Не е точно дека се фотографирав со восочна фигура, фотографијата со Трамп и неговата сопруга е автентична

    97 shares
    Share 39 Tweet 24
  • ИЗБОРНА ХРОНИКА: Мицкоски од Вевчани за „црвените линии“ на Филипче, ВЛЕН со конвенција „Еден глас“ во Скопје, Герасимовски од СДСМ вети бесплатни часови за учениците во Центар

    96 shares
    Share 38 Tweet 24
  • Претседателката реши да го замете дворот на ЕУ, наместо прво да погледне во својот

    94 shares
    Share 38 Tweet 24
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ