• Latest

(ИЗБОР) Албански медиуми: Светските лидери со честитки за 17 години Косовска државност; Кој ги затвори вратите на Косово; Албанија нема да прими палестински бегалци; Стејт департментот бара повеќе истраги за перење пари

February 17, 2025
Фото: ВИ

ЦИВИЛ: Стоп за масакрот во Газа – светот мора да се разбуди! Гледаме геноцид во живо и не смееме да молчиме!

June 26, 2025
Фото: Фејсбук на Гордана Силјановска Давкова

ПРАШАЊЕ НА ДЕНОТ: Што мислите за настапот на претседателката на Самитот на НАТО?

June 26, 2025
Фото: Скриншот од видео на 
The Independent

Сервилност или велемајсторски дипломатски потег – дали Руте последен се смее

June 26, 2025
Фото: МИА архива

Уставниот суд укина одредби од Методологијата за Пописот, ќе нема веќе „резидентно“ и „нерезидентно“ население

June 26, 2025
Вилен Темерјанов и знамињата на Кримските Татари и Украина

На Денот на знамето на Кримските Татари: Слобода и правда за Вилен Темерјанов

June 26, 2025

Ден на знамето на Кримските Татари: Симбол на отпорот и стремежот за слобода и самоопределување

June 26, 2025
Фото: Министерство за економија и труд

Потрoшувачка кошница за четиричлено семејство и „лов“ на евтини цени преку апликација, најави Дурмиши

June 26, 2025

Над 216 илјади македонски граѓани обезбедиле бугарски пасош

June 26, 2025
Фото: Украинската амбасадорка Лариса Дир / Х

Амбасадорката Дир: 26 јуни — Ден на знамето на Кримските Татари, сибол на борбата, достоинството и несопирливоста на автохтониот народ на Крим

June 26, 2025

Чупеска: Министерството за правда ја саботира реформската агенда, Филков негира – „предводникот” на работната група на СДСМ за реформи во правосудството е политиколог, а не правник

June 26, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ДНЕВНИК AL-PRESS

(ИЗБОР) Албански медиуми: Светските лидери со честитки за 17 години Косовска државност; Кој ги затвори вратите на Косово; Албанија нема да прими палестински бегалци; Стејт департментот бара повеќе истраги за перење пари

February 17, 2025 12:49
in AL-PRESS, ВЕСТИ, МЕДИУМИ, РЕГИОН, ТОП 5
Share on FacebookShare on Twitter

По повод 17 годишнината на прогласувањето независност на Република Косово, голем број светски лидери упатија честитки со поддршки и желби за успеси на сите нивоа, пренесоа косовските медиуми.

Албанскиот премиер Еди Рама, за време на гостувањето на конференцијата за безбедност во Минхен, на еден од панелите изјави дека од САД се уште не добил прашање за тоа дали Албанија ќе прими бегалци од Палестина, и дека одговорот секако ќе биде „не“.

Во продолжение се поместени содржините од денешниот редакциски избор на ЦИВИЛ Медиа, од албанските медиуми во регионот.

КОСОВО

ТВ 21: Светските лидери со честитки за денот на независноста на Косово

Американскиот државен секретар Марко Рубио упати честитка до Косово по повод 17-годишнината од прогласувањето на независноста.

Во неговата порака се вели дека САД „гордо го поддржаа патувањето на Косово да стане суверена, демократска, мултиетничка и просперитетна земја“.

Ден претходно, претседателката на Косово, Вјоса Османи, соопшти дека добила честитка и од американскиот претседател Доналд Трамп.

Во честитката се вели дека Трамп „му честита на народот на Косово на патувањето кон независност“ и ја истакнува „стабилноста и решителноста што го придружуваа овој процес“.

И претседателот на Германија, Франк-Валтер Штајнмаер, упати честитки до Косово, потсетувајќи дека неговата земја во февруари 2008 година беше меѓу првите земји што го признаа неговото државјанство.

„Во текот на овие години континуирано ја продлабочувавме нашата соработка, било во безбедносните политики, во реформите за усогласување со ЕУ или во областа на климатските и енергетските политики“, се вели меѓу другото во честитката на германскиот претседател.

Честитки по повод 17 години независност на Република Косово упатија и Холандија, Франција, Албанија, Обединетото Кралство, Италија и други, пренесе ТВ 21.

РСЕ: Признанијата  кои никогаш не дојдоа: Кој ги затвори вратите на Косово?

Седумнаесет години по прогласувањето на независноста, Косово е во дипломатска неизвесност – признато од многу земји, но надвор од некои од најважните меѓународни организации. Со брзата геополитичка динамика, набљудувачите велат дека Косово ризикува да ја загуби поддршката од некои влијателни земји.

Во годината кога Косово ја прогласи својата независност, во 2008 година, тогашниот премиер на земјата, Хашим Тачи, вети признавање од 193 земји, кои беа сите земји членки на Организацијата на Обединетите нации, плус една.

И покрај приговорите на Србија, земјата во тоа време беше призната од 43 земји во светот, вклучувајќи ги САД и големите европски сили.

Две години подоцна, Меѓународниот суд на правдата – како одговор на барањето на Србија за мислење – ја прогласи валидноста на косовската декларација за независност, велејќи дека тоа не е во спротивност со меѓународното право.

Седумнаесет години подоцна, на списокот што го објави Министерството за надворешни работи и дијаспора на Косово на својата веб-страница, има 117 земји кои го признаваат Косово – се уште далеку од ветената бројка од 193.

Последната држава што го призна беше Израел во 2021 година. Ова признавање беше дел од Вашингтонскиот договор меѓу Косово и Србија. Пред тоа, последната земја што го призна беше Барбадос во 2018 година. Но, интензитетот на признавањата почна да опаѓа од 2015 година.

Ајдан Хехир, од Универзитетот во Вестминстер во Лондон, набројува неколку причини за стагнација на признавањето: под едната, прозападните држави се веќе исцрпени и повеќето од нив го признаа Косово, а под две, земјите кои се усогласени со Русија и Кина, или симпатизери на Србија, не можат лесно да се убедат, се наведува во анализата на Слободна Европа на албански јазик.

АЛБАНИЈА

Балкан веб: Палестинци во Албанија? Рама од Минхен: Нема да се случи, не за време на мојата влада!

Албанскиот премиер Еди Рама во Минхен изјави дека американската влада сè уште нема поднесено никакво барање за сместување на палестинските бегалци во Албанија, но одговорот сепак ќе биде „Не!“

„Не разбрав зошто очајно баравте од мене да бидам дел од овој панел за Блискиот Исток“ , беше меѓу првите реченици кои албанскиот премиер Еди Рама ги кажа за време на активноста одржана во рамките на Безбедносната конференција во Минхен, насловена: „Надвор од конфликтот: Проценка на патиштата и пречките кои водат кон одржлив мир на Блискиот Исток“, во саботата попладне, пренесе Балкан Веб.

Јава њуз -Стејт Департментот го спомнува Бериша во извештајот: Зголемете ги истрагите за перење пари

Американскиот Стејт департмент го објави извештајот за борбата против наркотиците и перењето пари. За Албанија, се ценат  досегашните достигнувања во овие области, но се нагласува дека треба да се зголемат истрагите за овие појави.

„Албанија мора да ги имплементира постојните закони, да ги следи регулаторните упатства, да спроведе ефективен надзор, да ја подобри соработката за спроведување на законот и да го прошири капацитетот на полицијата и обвинителството да се фокусираат на корупцијата, перењето пари и економскиот криминал. Албанија мора целосно да ја спроведе судската реформа започната во 2016-2017 година“.

Американскиот Стејт  департмент во извештајот ја оценува работата на СПАК каде ги споменува истрагите против поранешниот премиер Сали Бериша и поранешниот министер за животна средина Лефтер Кока, пренесе Јава Њуз.

КОЛУМНА

Панорама: „Косово ’25 помеѓу „чичко Сем“ и чичко „Саклер““

„Најзагрижувачко прашање во овој момент за Албанците не може да биде несопругата на Бериша, ниту пируетите на Рама со Сазан за Џаред Кушнер, туку иднината на Косово.

По изборите на 9 февруари 2025 година, немаше официјален интерес за изборите, додека параметрите на изборите оставија многу да се посакува со грешките на системот на ЦИК, организацијата и зборовите што актуелниот премиер Курти ги сподели со своите колеги опозициски лидери, кои се приближуваат кон колачот на власта џвакајќи ја навредата „ајвани“.

Претседателката Османи, кој деновиве е повеќе надвор од државата, се обиде да собере обезбедување, додека Курти и Гервала покажуваат присуство во Минхен. Но, тие беа целосно невидливи пред реалноста пред која веќе трепери целиот наш континент. Шефот на НАТО, Руте даде малку кислород откако ја поддржа американската политика за зголемување на придонесот во организацијата, но не можеше да каже дека треба да се направи се со земјите директно изложени на ризик од напади, како што може да биде случајот со Косово во иднина.

Вучиќ отворено го покажува својот интерес и во последните зборови вели дека УСАИД ги создала неговите проблеми, организација која го зафати Косово како ретко кој друг. Циничната пресметка на српскиот претседател изгледа добро искалкулирана, бидејќи истовремено ќе стои на американската и руската поддршка.

Тоа и не е толку глупав избор. Косово, една од најпроамериканските земји во светот, сега мора да одговара за 90-дневното блокирање на средствата на УСАИД (американските власти го нарекоа криминална организација), како и за најзагрижувачкото-  иднина на 600-те војници распоредени на Косово“, пишува авторот Бен Андони во колумната „Косово ’25 помеѓу чичко Сем и чичко Саклер“,објавена во албанскиот дневник Панорама.

Подготви: Д. Тахири

 

Print Friendly, PDF & Email
Share33Tweet21Send

НАЈЧИТАНИ 5

  • Фото: Д. Мишев

    Помина во Брисел извештајот на Вајц за Северна Македонија

    114 shares
    Share 46 Tweet 29
  • ДОМ ја напушта коалицијата со СДСМ

    102 shares
    Share 41 Tweet 26
  • Како Скопје Прајд стана квази левичарска, про-палестинска подружница

    96 shares
    Share 38 Tweet 24
  • Во оклопот на вмро, Македонците се желки на трката во Спа Франкоршамп

    94 shares
    Share 38 Tweet 24
  • (ВИДЕО) Нов гаф на Сиљановска Давкова – го помеша Марко Рубио со Џеј Ди Венс, кого го нарече Ди Џеј

    92 shares
    Share 37 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ