Пожарот кој попладнево избувна во магацин во кругот на поранешната фабрика „Треска“ е изгаснат, информира за МИА командирот на скопската Бригада за противпожарна заштита, Ѕвонко Томески.
Огнот зафати пластични материјали, дрва, грмушки и отпад, што го предизвика густиот црн чад во центарот на Скопје, но при пожарот нема повредени.
Во гаснењето на пожарот интервенираа 55 пожарникари со десетина возила.
