Државната комисија за спречување корупција и судир на интереси го презентираше Посебен извештај за утврдените злоупотреби во финансирањето на изборната кампања – Предвремени избори за пратеници во Собранието на Република Северна Македонија–2020 година.
„Од анализата на податоците доставени до ДКСК од спецификацијата кои произлегуваат од донации има интересни ситуации. Оваа година се направи измена во Изборниот заканик каде се зголемија изворите за финасирање на изборната кампања. До минатите избори како извори можеа да бидат донации од правни и физички лица или кредити кои ги земаат политичките партии. За овие извбори изворите беа проширени, односно од чланарината од донации, но и од средства од редовната сметка на политичките партии“, изјави Катица Николовска, ДКСК.
Како што стои во извештајот во тек на изборниот период до ДКСК биле доставени 32 поднесоци со наводи за сомневање за сторени прекршувања и непочитување на членовите 8-а и 8-б од Изборниот законик и одредбита од член 34 од Законот за спречување корупција од коио 5 поднесени од организатор на изборната кампања, 6 поднесоци доставени како приговори по кои ДКСК постапувала како по редовни пријави бидејќи не биле поднесени од организатор на избори и 21 пријави од физички/правни лица.
„По однос на петте приговори, за три приговори се отфрлени наводите, бидејќи сметавме дека се неосновани. За една од трите одлуки подносителот достави тужба од Управен суд и истата беше отфрлена како неоснована. Две одлуки ги прифативме како основани меѓутоа е доставена една иницијатива до Владата за утврдување одговорност на избрано лице за повреда на член 8-а за користење службено возило за изборни цели, а за другата одлука, исто така беше доставена жалба до Управен суд беше одбиена“, образложи Николовска.
Николовска рече дека во одредбите за овие избори учесниците во изборната кампања се должни да достават четири извештаи, два извештаи за примени донациии, еден за трошоци и приходи од 20 дена по завршувањето на изборната кампања и еден вкупен кој се доставува во рок од 30 дена по затворањето на трансакциските сметки за што рокот истекува на 25 октомври.
Б. Јордановска
камера: Дехран Муратов
монтажа: Ариан Мехмети
