Центарот за граѓанска иницијатива – Прилеп, во текот на 2019 година, работејќи на реализација на проектот „Јакнење на малцинствата и специфичните групи за промовирање на партиципативната демократија на ниво на заедницата“, придонесе за јакнење на малцинствата и специфичните групи и за промовирање на партиципативната демократија во 10 општини во државата (Прилеп, Ресен, Крушево, Долнени, Битола, Куманово, Велес, Штип, Дебар и Гевгелија).
Преку овој проект Центарот за граѓанска иницијатива – Припел успеа да ги зголеми капацитети на младите и ги направи позаинтересирани и поодговорни за процесите на одлучување на локално ниво, а влијаеше врз локалните власти за поодговорно и потранспарентно работење.
Посебен фокус на проектот беше соработката меѓу медиумите, граѓаните, претставниците на локалните самоуправи и локални политичари.
Успешната приказна за јакнење и промовирање на партиципативната демократија ЦГИ ја продолжува и во 2020 и 2021 година со поддршка од ifa/Zivik Федерална Канцеларија за Надворешни работи на Сојузна Република Германија. Овој проект со својот пристап се заснова на решителноста на организацијата да работи за и заедно со младите и да обезбеди услови во кои младите можат да го исполнат својот потенцијал како активни граѓани кои придонесуваат не само за нивниот личен и професионален развој, туку и кон развојот на целото општество.
Активностите од втората фаза ЦГИ ќе ги работи вo истите 10 општини како и претходната. Ќе бидат вклучени млади претставници од локални самоуправи, граѓански организации, медиуми, но овој пат во проектните активности ќе бидат вклучени и 10 средни училишта. Резултатите во работата ќе се постигнат со јакнење на младинските капацитети – обуки за млади; младински кампови за развој на локални иницијативи; имплементирање на иницијативи подготвени од младите; застапување; организирање на отворени дебати; подобрување на соработката меѓу младите и состаноци со медиуми и поддршка од нив.