Шест месеци откако федералната влада ја отвори вратата за извоз на канадско оружје за Украина, која беше затворена во војната со сепаратистичките бунтовници, останува мистерија дали и колкава количина од оружјето пристигнало во земјата.
Министерката за надворешни работи Кристија Фриланд соопшти дека во декември владата на Канада ја додаде Украина на листата на контрола на автоматско оружје. Листа на земји кои се погодни за извоз на оружје.
Како резултат на оваа одлука, канадските компании сега можат да аплицираат за дозвола од Фриланд за извоз на забрането оружје и друга претходно забранета опрема во Украина.
Но Канада одбива да одговори дали се добиени барања за дозвола за извоз на оружје во Украина, ниту дали има издадено одобренија.
На прашањата на новинарите од „Глобални работи Канада“ велат дека ќе се врши проценка на секоја апликација за да се провери нејзината конзистентност со меѓународните обврски на земјата и приоритетите на надворешната политика и одбраната. Оттаму велат дека од причини на комерцијална доверливост одделот не коментира ниту една апликација за дозвола за извоз.
И додека одлуката на Фриленд наиде на огромна поддршка од Киев, кој подолго време лобираше за воена помош од Канада, во Русија таа предизвика вознемиреност, како и загриженост, особено од организациите кои се занимаваат со контрола на оружјето и човековите права.
Тие особено ги нагласуваат прекршувањата на човековите права за време на конфликтот во источна Украина како повеќе од 10.000 луѓе (најголем број цивили) беа убиени во борбите во регионот познат како Донбас, додека 20.000 луѓе беа повредени, а стотици илјади протерани од своите домови.
К. С.
